Lenovo prezanton konceptin e ri të laptopit që mund të karikohet me rreze dielli

Lenovo ka prezantuar një koncept të ri laptopi në Mobile World Congress, që ju inkurajon të punoni jashtë duke reduktuar varësinë tuaj nga kabllot e energjisë.

PC Yoga Solar është një provë e hershme e konceptit të pajisjes që përmban një panel diellor të integruar në kapakun e laptopit.

Ai mund të shfrytëzojë dritën nga çdo burim për të rritur baterinë e tij, por si me shumicën e pajisjeve me energji diellore, ju do të merrni më shumë energji ndërsa punoni jashtë në një ditë të kthjellët dhe me diell.

Kompania nuk ka njoftuar ndonjë plan për të vënë në prodhim PC-në Yoga Solar, shkruan the Verge, përcjell Telegrafi.

Sidoqoftë, ThinkBook Plus Gen 6 i tij, me një ekran OLED në zgjerim dhe të rrotullueshëm, fillimisht debutoi si koncept në 2023, por do të jetë i disponueshëm diku në qershor 2025 për 3,499 dollarë.

Paneli thithës i dritës i PC-së Yoga Solar përbëhet nga 84 qeliza diellore.

Të gjitha kllapat e montimit të panelit dhe kontaktet elektrike që mbledhin dhe transferojnë energjinë që gjenerohet janë të vendosura prapa qelizave diellore.

Pjesa e përparme e panelit është në gjendje të kapë më shumë dritë, duke i lejuar Lenovo-s të arrijë një shkallë konvertimi më shumë se 24 %.

Edhe me efikasitet 24%, Lenovo thotë se paneli i kompjuterit Yoga Solar “mund të thithë dhe konvertojë mjaftueshëm energji diellore nga rrezet e diellit direkte në 20 minuta për të fuqizuar deri në një orë riprodhim video”.

Mundësuar nga një Intel Lunar Lake i çiftuar me 32 GB RAM dhe 1 TB hapësirë ​​ruajtëse, Yoga Solar ka një trashësi prej 15 milimetrash.

Për të ndihmuar që përdoruesit të jenë në gjendje të përfitojnë më së miri nga drita e disponueshme për ta – qoftë brenda apo jashtë – laptopi do të ketë gjithashtu softuerin e sistemit Dinamic Solar Tracking të Lenovo që tregon se sa rrymë dhe tension prodhon paneli diellor.

Ndryshe, Lenovo krijoi konceptin për t’u dhënë përdoruesve qasje të lehtë në një burim alternativ energjie. /Telegrafi/