Lenjani shënon supergol në fitoren e thellë të Sionit ndaj Thunit (Video)

Sioni ka fituar në shtëpi ndaj Thunit me rezultat të thellë 7-2 në ndeshjen e vlefshme për javën e 25-të të Superligës së Zvicrës.

Sioni i është kthyer fitoreve pas tri ndeshjeve, pikërisht në një ndeshje shumë të vlefshme ndaj një rivali direkt për mbijetesë.

Skuadra e Maurizio Jacobacci e ka dominuar gjithë takimin duke shënuar tri gola në pjesë të parë dhe katër tjera në pjesën e dytë në fitoren e thellë 7-2.

Lexo po ashtu Pas paraqitjes së mrekullueshme, Lenjani në formacionin e javës në Zvicër

Padyshim goli më i bukur i kësaj ndeshje ishte ai i reprezentuesit të Kombëtares së Shqipërisë, Ermir Lenjani.

Anësori shqiptar shënoi një supergol në minutën e 47-të duke quar rezultatin në 4-1.

Goli i Lenjanit erdhi nga një pozitë jo e volitshme duke befasuar kështu portierin e Thunit, por edhe shumë e shumë të tjerë, pasi është gol që shihet rrallë.

Lexo po ashtu Lenjani në formë të lartë, asiston për Kasamin dhe i sigurojnë një pikë Sionit (Video)

Në këtë ndeshje për vendasit e Sionit shënoi edhe futbollisti tjetër me prejardhje shqiptare, Pajtim Kasami (69′), i cili ishte i saktë nga pika e bardhë.

Pas kësaj fitore, Sioni i rrit shpresat për mbijetesë në Superligën e Zvicrës, ndërsa në javën e ardhshme udhëton te Baseli. /Telegrafi/