“Lejohet të ëndërrosh”, Flick mbi shanset e Barcelonës për të fituar katër trofetë

Hansi Flick ka hapur shanset e Barcelonës për të fituar katër trofetë këtë sezon pasi skuadra e tij mposhti Atletico Madridin për të kaluar në finale të Copa del Rey.

Barcelona arriti ta eliminojë Atleticon pas fitores 1-0 mbrëmë (e mërkurë) në udhëtim apo me rezultat të përgjithshëm 5-4.

Ky triumf ia siguroi Blaugranëve kalimin në finalen e Copa del Rey, ku do të ndeshet me Real Madridin në El Clasico, teksa është në vendin e parë në La Liga dhe në çerekfinale të Ligës së Kampionëve.

Lexo po ashtu Finalja e Kupës së Mbretit prodhon një tjetër 'El Clasico': Barcelona eliminon Atletico Madridin

Për këto tre trofe dhe Superkupën ka folur trajneri i Barçës, Flick, i cili ka thënë se është e lejuar të ëndërrohet.

“Është e lejuar të ëndërrojmë, por ne duhet të qëndrojmë të përqendruar dhe të fokusuar në atë që duam”, ka thënë fillimisht Flick.

Man I love Flick pic.twitter.com/FpDCc41bfh

— FC Barcelona (@FCBarcelona) April 2, 2025

“Do të arrijmë në tre ose katër, pastaj duhet të flemë dhe të kthehemi në stërvitje dhe të rikuperojmë”.

“Ne po përballemi me Betisin. Javët e ardhshme nuk do të jenë të lehta, por ne kemi një ekip fantastik. Klubi dhe tifozët mund të jenë krenarë për ekipin”, përfundoi gjermani. /Telegrafi/