LDK-ja në Ferizaj kritikon Komunën për mosvazhdim të kontratës me Caritas-in

Lidhja Demokratike e Kosovës në Ferizaj, ka mbajtur konferencë për media për ta kritikuar qeverisjen lokale shkaku i mosvazhdimit të kontratës me Caritas Kosova, përmes të cilët ishin të punësuar rreth 300 infermierë e staf mjekësor në sistemin shëndetësor të Ferizajt.

E gjithë ky numër i këtyre kuadrove, tash e katër muaj nuk i kanë marrë as pagat e tyre, ndërkohë që pas përfundimit të kontratës ata kanë mbetur pa punë.

Bardh Zeqiri shef i Komisionit për shëndetësi në LDK të Ferizajt, në këtë konferencë , ka thënë se qëllimi i konferencës është, që qeverisja lokale mos të abuzon me punonjësit shëndetësor.

“Dje ka skaduar kontrata mes “Caritas-Kosova” dhe Komunës së Ferizaj lidhur me personelin shëndetësor, pikërisht në periudhën kur tashme është shtuar fluksi i pacienteve si pasoje e virozëve dhe për shkak të ardhjes se mërgimtarëve. Shqetësuese është fakti se, komuna e Ferizajt përveç që e ka mbyllur këtë lloj angazhimi, nuk ka kryer të gjitha obligimet financiare ndaj këtyre punonjësve, gjegjësisht pagat për 4 Muaj, ndërsa po e njëjta komunë hap tender mijëra euro për Festa dhe Muzikë”, ka thënë Zeqiri.

Sipas tij, si rrjedhojë e kësaj shkëputje të kontratës, rrezikohen të mbyllen disa QMF (Greme, Softaj, Komoglavë, Mirash) për shkak të mungesës së stafit shëndetësor.

“Vlen të theksohet se si rezultat i përfundimit të kësaj kontrate, që nga dje kanë mbetur pa pune, afër 300 punonjës, të cilët në kushte të pa barabarta kanë kryer punën me përkushtim dhe profesionalizëm edhe gjatë kohës Covid 19. E them të pa barabartë, për shkak të pagesës jo të barabartë me kolegët e tyre, 50% me pak, edhe pse kanë kryer të njëjtën punë me orar të njëjtë, shto edhe faktin se nuk janë paguar fare qe 4 muaj”, tha ai.

“Ne si LDK, jemi të shqetësuar për fatin e këtyre punonjësve, me atë se çfarë do ndodh me ta? A do t’i marrin pagat? Cili është fati tyre? Kjo qeverisje, çdo dite po dëshmon pa aftësinë menaxheriale , ku me një planifikim të drejt buxhetor, do sigurohej mënyra e financimit edhe për këta punonjës e jo parat të ndahen për Festa e Muzikë, e të humb in për procedura përmbarimore”, ka thënë Zeqiri.

Në anën tjetër Telegrafi ka provuar të marrë një deklaratë edhe nga zëdhënësi i Komunës së Ferizajt Selim Marevci, por ai nuk ka qenë i qasshëm, ndërkohë as zyra për informim në këtë komunë nuk ka dalur me ndonjë qëndrim pas reagimit të opozitës/Telegrafi/