Laporta ftohet nga gjykata për një rast mashtrimi afro pesë milionë euro

Presidenti i Barcelonës, Joan Laporta dha një mbrojtje të pasionuar për veten dhe sulmoi kundërshtarët e tij të martën, por të hënën e ardhshme ai do të dalë në gjykatë.

Ai do të japë dëshmi për një rast mashtrimi, edhe pse nuk ka lidhje me kohën e tij në Barcelonë.

Sipas Marca, Laporta do të dëshmojë në lidhje me një rast të dyshuar mashtrimi i cili arriti në 4.7 milionë euro të hënën në një gjykatë lokale në Barcelonë. Incidenti daton në vitin 2014, kur një familje (burri, gruaja dhe vajza) fituan 34 milionë euro në lotari.

Kur shkuan për të blerë një makinë luksoze, u këshilluan të investonin në kompanitë e promovuara nga Laporta.

Rasti sillet rreth një biznesi në veçanti, CSSB Limited, ku ata investuan 2.4 milionë euro në një periudhë trivjeçare me 6 për qind interes vjetor.

Lexo po ashtu Joan Laporta nuk e mbanë gëzimin, kërcen lartë dhe feston regjistrimin e Olmos dhe Victor

Megjithatë, të pandehurit pretendojnë se kontrata nuk është e vlefshme, për faktin se ajo është redaktuar në anglisht dhe pa nënshkrim të lexueshëm.

Laporta thuhet se ka vepruar si konsulent në operacion dhe ai ka vepruar në emër të CSSB Limited. Familja madje ishte e ftuar në vendet VIP në Camp Nou, por pas periudhës së përshkruar, nuk mori paratë e premtuara dhe kompania dyshohet se përfundoi me 4.7 milionë euro nga paratë që investuan. /Telegrafi/