Lajçi tregon se a do ta votojë Haradinajn për kryeministër

Ish-anëtari i Aleancës për Ardhmërinë e Kosovës, Ali Lajçi ka thënë se nuk do të votojë liderin e kësaj partie, Ramush Haradinajn për kryeministër.

“Jo nuk ka shansa që ta votoj, sepse ai është një projekt tjetër ai. me këtë projekt vetëm mund të trashet e keqja dhe nuk mund të bëhen ndryshimet në Kosovë. Ai koalicion nuk ka projekt për ndryshime, unë e votoj projekte që janë në dobi të shtetit të Kosovës”, ka deklaruar Lajçi, i cili ka fituar mandatin e deputetit në listën e Lëvizjes Vetëvendosje.

Ai më tek ka thënë se ndryshimet nuk mund të ndodhin me PDK-në në pushtet.

“Me PDK-në në bashkqëqeverisje nuk mund të bëhen ndryshime. Ai koncepti i administrimit ka rënë, ajo formë e krimit dhe korrupsionit ka rënë. Gjendja në vend mund të ndryshimet mund të ndodhin vetëm nën qeverisjen e Vetëvendosjes”, ka thënë Lajçi për Lajmi.net.

Ai që në të kaluarën si pjesë e AAK-së ka qeverisur Komunën e Pejës, në zgjedhjet e 11 qershorit ka arritur të marr vota të mjaftueshme për të hyrë në Kuvend në kuadër të Lëvizjes Vetëvendosje.