Lajçak: Kosova e Serbia mund të jenë krenare për Marrëveshjen e Ohrit

Miroslav Lajçak ka përfunduar zyrtarisht mandatin, duke ia dorëzuar detyrën pasardhësit të tij, diplomatit danez Peter Sorensen, pas gati pesë vjetësh si emisar i Bashkimit Evropian në dialogun Kosovë-Serbi.

Lajçak në një postim në platformën “X” e ka përshkruar periudhën si emisar si mision sfidues, por të shpërblyer, duke vënë në dukje rëndësinë e arritjeve në këtë proces, përfshirë Marrëveshjen e Ohrit në mars të vitit të kaluar.

And it’s a wrap. After 4 years and 10 months as @EUSR_Dialogue , I am officially handing over to my successor Peter Sørensen. It’s been a challenging, yet rewarding mission and both Kosovo and Serbia can be proud of achieving the Ohrid Agreement.

— Miroslav Lajčák (@MiroslavLajcak) January 31, 2025

“Pas 4 vjetësh e 10 muajsh si lehtësues i dialogut i Bashkimit Evropian, zyrtarisht po ia dorëzoj detyrën pasardhësit tim, Peter Sorensen. Ka qenë mision sfidues, por i shpërblyer, dhe si Kosova ashtu edhe Serbia mund të jenë krenare për arritjen e Marrëveshjes së Ohrit”, ka shkruar Lajçak, transmeton Telegrafi.

Diplomati danez,  Peter Sorensen, pritet të vazhdojë angazhimin për zbatimin e marrëveshjeve të arritura dhe për avancimin e dialogut mes Kosovës dhe Serbisë. /Telegrafi/