Labinot Tahiri nuk merr vota të mjaftueshme për deputet

Ish-deputeti i Kuvendit të Kosovës, Labinot Tahiri nuk ka marrë mbështetjen e mjaftueshme nga qytetarët që të jetë pjesë e Kuvendit edhe për një mandat.

Kështu ka bërë të ditur vetë Tahiri përmes një postimi në profilin e tij zyrtar në Instagram, transmeton Telegrafi.

Tahiri ka shkruar se do të vazhdojë të jetë në shërbim të qytetarëve edhe jashtë Kuvendit.

Ndryshe, Tahiri ishte pjesë e listës zgjedhore të Aleancës për Ardhmërinë e Kosovës. Koalicioni AAK-PSD në zgjedhjet parlamentare ka marrë 11.57 për qind të votave.

Sipas rezultateve preliminare të Komisionit Qendror të Zgjedhjeve, partia fituese është Lëvizja Vetëvendosje me 203 mijë e 52 vota ose 25.49 për qind.

Partia e dytë është Lidhja Demokratike e Kosovës me 197 mijë e 702 vota ose 24.82 për qind, partia e tretë është Partia Demokratike e Kosovës me 169 mijë e 211 vota ose 21.24 për qind.

Gjithashtu, Komisioni Qendror i Zgjedhjeve ka bërë të ditur se sipas rezultateve preliminare, koalicioni NISMA-AKR-PD nuk ka kaluar pragun zgjedhor. Ky koalicion ka marrë 4.96 për qind të votave./Telegrafi/

View this post on Instagram

Përshêndetje njerëz të mirë? Po vazhdoj të mbaj balancimin, në mes të drejtësisë dhe padrejtësisë✊? Bëhet mirë! Njeriu lind dhe ndërtohet për kohën që do ti viej në qastet e duhura! Sikurse brenda kuvendit, tani edhe jasht kuvendit, do jem gjithmonë shërbetorë i njerëzve tanë! ⭐️?⭐️ Labinot Tahiri, Ferizaj Kosovë e Shqipërisë.

A post shared by INFO REZ- Berati 044837377 (@labinottahiriofficial) on Oct 11, 2019 at 4:29am PDT