LAJMI I FUNDIT:

Kush do të përfitojë falas nga programi i Implantit Koklear?

Kush do të përfitojë falas nga programi i Implantit Koklear?

Spitali Amerikan në të dy degët, në Tiranë dhe në Prishtinë, në bashkëpunim me Fondacionin Liechtenstein-Medel në partneritet me Universitetin e Vjenës, Austri, kanë nënshkruar marrëveshjën e rëndësishme për t’i ardhur në ndihmë pacientëve me probleme dëgjimi.

Pesë pacientë nga Kosova, në kuadër të kësaj marrëveshje, do të përfitojnë falas këtë mundësi të shumëpritur për t’ju rikthyer sërish jetës normale dhe dëgjimit të plotë.

Ekipi i specializuar i mjekëve në Spitalin Amerikan, në bashkëpunim me kirurgët e shquar të Universitetit të Vjenës do të realizojnë implantet kokleare në pacientët me ulje dëgjimi të gradës së rëndë. Këto ndërhyrje do të realizohen falas nga mjekët dhe nga Spitali Amerikan, gjithashtu nga fondacioni i familjes mbretërore së Liechtenstein, i cili do të dhurojë implantet.


Sipas Dr. Muzaffer Balaban- Kirurg Otorinolaringolog në Spitalit Amerikan, pacientët kandidatë për të përfituar këtë implant koklear duhet të jenë në përputhje të plotë me kushtet e kërkuara nga protokolli ndërkombëtar i implantimit të caktuara nga mjekët specialist ORL dhe audiologë.

Implanti koklear, i cilësuar si mrekullia që sjell “tingullin” në veshin e paaftë, prej vitesh nuk është më utopi.

Spitali Amerikan, i pari në vend, që prej 6 vitesh në Shqipëri realizon implantet kokleare, të cilat kanë rezultuar të gjitha të suksesshme, në pacientë fëmijë e të rritur, ndërsa në Kosovë një gjë e tillë bëhet për herë të parë.

Kjo marrëveshje, do të sjellë rilindjen edhe njëherë të shpresës për ata pacientë me probleme të dëgjimit; të diagnostikuar me ulje dëgjimi (hipoakuzi) lindur, nga shkaqe gjenetike, traumatike ose infeksione te ndryshme.

Spitali Amerikan, provon dhe dëshmon sërish që ka një ndjeshmëri të madhe për zgjidhjen e problemeve të shëndetit, gjithashtu mbetet në pararojë të zhvillimeve të reja dhe më të rëndësishme jo vetëm në historinë e mjekësisë në vend, por edhe në rajon. /Telegrafi/

1

Në trend Lajme

Më shumë
Vrasja në Skenderaj, vëllai i viktimës: I kanë thanë zhveshu në mes lokalit, kanë deshtë me çnjerëzu, tani e kanë vra me 14 plumba

Vrasja në Skenderaj, vëllai i viktimës: I kanë thanë zhveshu në mes lokalit, kanë deshtë me çnjerëzu, tani e kanë vra me 14 plumba

Lajme
Plaçkitën 4 milionë euro në një bankë në Greqi, dy shtetas nga Kosova në kërkim

Plaçkitën 4 milionë euro në një bankë në Greqi, dy shtetas nga Kosova në kërkim

Kronika e Zezë
Analiza e ekspertit amerikan për ndryshimet e Trumpit: Serbia do të bëjë përpjekje për territore në BeH dhe Kosovë

Analiza e ekspertit amerikan për ndryshimet e Trumpit: Serbia do të bëjë përpjekje për territore në BeH dhe Kosovë

Lajme
Batusha i Vetëvendosjes: LVV-ja ose vetë në qeveri ose në opozitë

Batusha i Vetëvendosjes: LVV-ja ose vetë në qeveri ose në opozitë

Politikë
Bedri Hamza: Nëse partia e parë nuk krijon institucionet, duhet me marrë përgjegjësinë PDK-ja

Bedri Hamza: Nëse partia e parë nuk krijon institucionet, duhet me marrë përgjegjësinë PDK-ja

Lajme
Nëna e Besim Krrabajt: Polici që ma vrau djalin më tha, mirë ia kena bo

Nëna e Besim Krrabajt: Polici që ma vrau djalin më tha, mirë ia kena bo

Lajme
Kalo në kategori