Kur zhvillohet finalja e Ligës së Kampionëve? Gjithçka që duhet të dini ndërsa Interi fluturon për në Stamboll

Interi mundi Milanin 3-0 në total në gjysmëfinale të Ligës së Kampionëve dhe do të fluturojë për në Stamboll, ku do të përballet me Real Madridin ose Manchester Cityn më 10 qershor.

Nerazzurrët kanë arritur në finalen e tyre të parë të Ligës së Kampionëve që nga viti 2010 kur ata ngritën trofeun dhe fituan tripletën me Jose Mourinhon në krye.

Lojtarët e Simone Inzaghit do të luajnë në finalen e Stambollit më 10 qershor të këtij sezoni pasi mundën Milanin me rezultat të përgjithshëm 3-0. Edin Dzeko dhe Henrikh Mkhitaryan shënuan golat në ndeshjen e parë, ndërsa goditja e Lautaro Martinez ndihmoi Nerazzurrët të siguronin një fitore 1-0 në ndeshjen e dytë.

Lexo po ashtu Notat e lojtarëve: Inter 1-0 Milan

Interi do të takohet në finale me Real Madridin e Carlo Ancelottit ose Manchester Cityn e Pe Guardiolës. Gjigantët e La Ligës dhe Ligës Premier do të përballen në Etihad Stadium të mërkurën pas barazimit 1-1 në Spanjë javën e kaluar.

Finalja do të zhvillohet në Stadiumin Olimpik Ataturk në Stamboll, me fillimin në orën 21:00.

Lexo po ashtu Një triumf që shijon më shumë për Interin – kalon në finale pas 13 vitesh duke mposhtur rivalin e përbetuar Milan

Nerazzurrët kanë arritur në finalen e Ligës së Kampionëve – dikur Kupa Evropiane – pesë herë, duke fituar tre dhe duke humbur dy herë. Ata e ngritën trofeun në dy sezone radhazi, në 1963-64 kundër Real Madridit dhe 1964-65 kundër Benficas, duke humbur finalet në 1967 kundër Celtic Glasgow dhe në 1972 kundër Ajax.

Simone Inzaghi është trajneri i dytë italian në krye të Interit që kualifikohet në finale pas Giovanni Invernizzi në 1972. /Telegrafi/