Kufjet AR/VR të Apple mund të kushtojnë rreth 2,000 dollarë

Një raport i fundit tregoi se Apple ka probleme me kufjet e saj të shumëpritura AR/VR për shkak të mbinxehjes së pajisjes, kamerës dhe problemeve të softuerit.

Dhe këto ishte supozuar se mund ta detyrojnë kompaninë të shtyjë planet e saj për të prezantuar një “kufje virtuale” këtë vit.

Por tani ka detaje shtesë për kufjet për të cilat flitet prej kohësh, përcjell Telegrafi.

Në raportet e mëparshme, Mark Gurman, një reporter i Bloomberg, la të kuptohet se kufjet AR/VR të Apple do të ishin “të shtrenjta”.

Megjithëse analistët parashikuan që produkti do të kushtonte rreth 3,000 dollarë, një gazetar i Bloomberg thotë në buletinin e tij të fundit “Power On” se Apple po konsideron një çmim prej rreth 2,000 dollarë.

Apple zakonisht tarifon pak më shumë se konkurrentët e saj për produktet.

Kufjet e reja nuk do të jenë përjashtim, por arsyeja kryesore pse kompania po shqyrton një çmim mbi 2000 dollarë është për shkak të disa komponentëve që përdor për kufjet.

Për më tepër, Gourman vuri në dukje se Apple ndoshta do të përdorë çipin M1 Pro – ose diçka të ngjashme – për kufjet e reja AR/VR. /Telegrafi/