Kryetari i Deçanit Bashkim Ramosaj, mirëpret Mozzikun për promovimin e albumit në këtë komunë

Reperi i njohur shqiptar Mozzik ka nisur një turne promovues nëpër të gjitha qytetet e Kosovës, për të shpërndarë falas albume me autografe për fansat e tij.

Ai do të ndalojë në disa qendra gjatë ditës së shtunë dhe të dielë, e në orarin e së shtunës është Komuna e Deçanit.

I pari i kësaj komune, Bashkim Ramosaj, përmjes një postimi në Facebook publikoi fotografitë e autobusit të turneut të Mozzikut, duke i dëshiruar mirëseardhje reperit nga Ferizaj.

Ramosaj bëri të ditur se maskat dhe distancimi social do të jenë kusht për fansat që në qendër të Deçanit, do të presin ardhjen e reperit.

“Rap Artisti MOZZIK sot dhe nesër ka një super aktivitet nëper disa qytete të Kosovës dhe njera nder to kemi fatin të jemi edhe Komuna e Deçanit, ku MOZZIK dhe staffi i tijë, do bejnë shprendajën e Albumit më të ri të tijë falas për të rinjët e Kosovës.
Ardhja e MOZZIK në Deçan pritet të jetë sot, rreth orës 15:30 ku do ndaloj në qendër të Deçanit Autobusi më staffin e tij për të dhurar Albumin falas.
Luteni që gjatë pranimit të Albumit ti vendosni maskat si dhe te mbani distancën”, ka shkruar Bashkim Ramosaj në Facebook.

Pas Deçanit, Mozziku do të vazhdojë me promovimin e albumit “Mozzart” edhe në Pejë. /Telegrafi/