Kristi Aliaj ishte një prej finalistëve të edicionit të dytë të Big Brother VIP Albania.
Ai u ndodh përball këngëtarit Luiz Ejlli në dyshen e fundit finaliste, dhe çmimin në fund e fitoi këngëtari nga Shkodra.
Kur kanë kaluar gati një javë nga nata e finales së madhe, Kristi ka reaguar për herë të parë në rrjetet sociale.
Në një postim në Instagram, Kristi ka falënderuar shqiptarët për vlerësimin që i bën në këtë rrugëtimi.
Ai tha se kjo aventurë nuk ishte një udhëtimi i lehtë për të, por një eksperiencë e pasur.
Kristi tutje në postim foli edhe për tre finalistët e tjerë, Luizin, Efin dhe Deamishel, për të cilët tha se ishin kundërshtarët më të mirë që mund të kishte kërkuar.
“Faleminderit Shqipëri. Faleminderit shqiptarë në mbarë botën. Faleminderit për durimin, respektin, mirëkuptimin dhe vlerësimin tuaj. Ishte një udhëtim i vështirë, por një eksperience shume pasuruese. Ju vlerësoj sepse ishit kundërshtarët më të mirë që mund të kisha kërkuar. Koha për të vënë në përdorim potencialin tuaj Luiz Ejlli, Efi Dhedhes dhe Deamishel. Shumë respekt për të gjithë ekipin e produksionit për kohën dhe përkushtimin e madh”, ka shkruar ai.
Përveç këtij postimi, Kristi ka bërë disa paraqitje televizive ku edhe ka komentuar lojën që kanë bërë në BBVA, mes tjerash duke thënë se pretendonte fitoren. /Telegrafi/