Krerët e Sindikatës së Policisë në takim me Rexhën

Ushtrues i detyrës së drejtorit të Përgjithshëm të Policisë së Kosovës Naim Rexha i shoqëruar nga stafi i tij, priti në takim zyrtar Kryetaren e Sindikatës së PK-së Valbona Kamberi dhe Shaban Tasholli.

“Gjatë këtij takimi u diskutuan tema të ndryshme që janë në interes të zhvillimit dhe avancimit të organizatës policore në fusha të ndryshme.

Përveç tjerash temë diskutimi ka qenë edhe çështja e mirëqenies së punonjësve të PK-së, e cila u cilësua si një ndër diskutimet me interes të veçantë dhe të nevojshëm për të gjithë punonjësit e PK-së .

Të njëjtit u dakorduan për angazhim dhe bashkëpunim të përbashkët në këtë drejtim, të gjetjes së ndonjë mundësie apo zgjidhjeje ligjore në bashkëpunim edhe me institucionet relevante të shtetit, e cila do të ndikojë pozitivisht në mirëqenien e punonjësve të PK-së”, thuhet në njoftim.

U.D. Drejtori Rexha falënderoi përfaqësuesit e sindikatës së PK-së për kontributin dhe angazhimin e tyre të vazhdueshëm në aspektin sindikal.

Njëkohësisht u vlerësua se Policia e Kosovës mbetet e përkushtuar në realizimin e detyrave, përgjegjësive të sajë konform mandatit të saj Kushtetues dhe Ligjor .