"Krenari se si shtatë lojtarë të dal nga Superliga e Kosovës luajtëm startues" - Rrahmani flet pas fitores me Qipron

Sulmuesi Albion Rrahmani ka treguar pas ndeshjes, se si e kanë diskutuar brenda grupit, se si shtatë lojtarë që kanë dalë nga Superliga e Kosovës do të ishin titullar ndaj Qipron. Ai ka shtuar se ndjehet krenar dhe se fitorja 3-0 ndaj Qipros ishte plotësisht e merituar.  “Edhe na e kemi diskutuar sepse shtatë lojtarë që kanë dal nga Superliga e Kosovës po luajmë startues. E kemi pasur si temë gjatë ditës, ndihemi krenar që kemi dalë nga Superliga e Kosovës dhe po e ndihmojmë ekipin në objektiva. E merituam dhe i fituam tre pikë”, ka thënë Rrahmani pas ndeshjes. 

Rrahmani ishte mjaft aktiv për Kosovën, por nuk arriti ta gjente rrugën drejtë rrjetës në dy ndeshjet.