Kramp-Karrenbauer: KFOR-i gjerman do të vazhdoj të jetë aktiv në Kosovë

Ministrja gjermane e Mbrojtjes, Annegret Kramp-Karrenbauer, që njëkohësisht është edhe kryetare e partisë CDU, qëndroi mbrëmë vonë në Kosovë, ku vizitoi shtabin qendror të KFOR-it në Prishtinë.

Kjo vizitë nuk ishte paralajmëruar dhe u zhvillua pa praninë e medieve. Njoftimi për vizitën e AKK në Kosovë u bë i ditur në Twitter nga komandanti i ri i trupave të KFOR-it në Kosovë, gjenerali Michele Risis, i cili 10 ditë më parë mori detyrën e komandantit të përgjithshëm të trupave të NATO-s në Kosovë.

“Komandati i KFOR-it ka mirëpritur sot ministren gjermane të Mbrojtjes, Annegret Kramp-Karrenbauer, në selinë e KFOR-it në Prishtinë. Gjeneralmajor Michele Risis ka shprehur falënderimin e tij për kontributin e Gjermanisë në KFOR, në përkrahje të sigurisë dhe stabilitetit në Kosovë”, shkroi në Twitter gjenerali Risis.

Annegret Kramp-Karrenbauer nuk ka bërë të ditur nëse ka takuar apo do të takojë udhëheqësit e Kosovës. Një vit më parë në Prizren në jug të Kosovës trupat gjermane u tërhoqën nga baza e tyre për ta shndërruar kampin në një kamp inovativ për të rinjtë kosovar. Mirëpo, ushtria gjermane (Bundeswehr-i) do të mbeten edhe më tej aktive në Kosovë, por tash me vetëm 70 ushtar të angazhuar na bazën qendrore të KFOR-it në Prishtinë. /DW/

Heute wie vor 20 Jahren ist #KFOR wichtig für Kosovo und die Region. Der Einsatz unserer Soldatinnen und Soldaten ist mit besonderen Belastungen verbunden, gerade zu einer Zeit, wo in der Heimat die Straßen weihnachtlich geschmückt werden. Danke für Ihr Engagement! pic.twitter.com/JZ4T2xUo2o

— A. Kramp-Karrenbauer (@akk) December 1, 2019