Kovaçevski: “Ballkani i Hapur” nuk e zëvendëson BE-në, por e forcon idenë evropiane

Kryeministri Dimitar Kovaçevski sot foli në hapjen e tryezës së rrumbullakët me temë “Integrimi ekonomik i Maqedonisë së Veriut në Ballkanin Perëndimor dhe perceptimi i kompanive të orientuara nga eksporti për nismën Ballkan i Hapur”, përcjell Telegrafi Maqedoni.

Kryeministri Kovaçevski prezantoi rezultatet e anketës “Perceptimi i kompanive të orientuara drejt eksportit në Maqedoninë e Veriut për Iniciativën e Ballkanit të Hapur”, të realizuar organizata tink-tenk analitika dhe Fondacioni për Shoqëri të Hapur në Maqedoni, ku tha se analiza ofron një pamje të përgjithshme mbi gjendjen e bashkëpunimit rajonal në rajon përsa i përket katër lirive – lëvizjes së lirë të mallrave, shërbimeve, personave dhe kapitalit, e cila paraqet aktorët kyç për forcimin e bashkëpunimit në kuadër të “Ballkanit të Hapur”.

“Hulumtimi i analitikës dhe Fondacionit Shoqëria e Hapur Maqedoni konfirmon se kompanitë kanë një opinion pozitiv për Iniciativën për bashkëpunim në “Ballkanin e Hapur”. Ata e shohin këtë iniciativë si një mundësi të re për të përmirësuar funksionimin e kompanive të tyre”, tha kryeministri Kovaçevski.

Ai shtoi se këtë raport do ta ndajë menjëherë me presidentin serb Aleksandar Vuçiq dhe kryeministrin shqiptar Edi Rama, si një kontribut i shkëlqyer i menaxhueshëm për Samitin e ardhshëm të “Ballkanit të Hapur” që do të mbahet në pranverë në Ohër.

Kryeministri Kovaçevski theksoi se “Ballkani i Hapur” nuk është zëvendësues i BE-së por përforcues i idesë evropiane të Ballkanit dhe katalizator i bashkëpunimit rajonal sipas standardeve evropiane dhe si i tillë është për të mirën e të gjithë rajonit, për të gjitha vendet e Ballkanit Perëndimor./Telegrafi/