Kosova në futboll ka përparuar për tri pozita në ranglistën e re të FIFA-s, të cilën shtëpia e futbollit botëror e ka publikuar të enjten. Fitorja ndaj Lituanisë dhe Qipros në fillim të këtij muaji në Ligën e Kombeve, mundësuan ngritjen e Kosovës në pozitën e 101-të me 1218 pikë. “Dardanët” në ranglistën e re, kanë 13 pikë më shumë sesa në ranglistën e shkuar, në të cilën janë renditur në pozitën e 104-të.
Renditja në pozitën 101 është më e mirë që e ka arritur Kosova që nga pranimi në UEFA dhe FIFA.
Në fakt, është në nëntorin e vitit 2023, Kosova ishte renditur në pozitën e njëjtë që është tani.
Krahas Kosovës, edhe Shqipëria ka përparuar në ranglistën e re të FIFA-s.
Këtë muaj, Shqipëria u mposht nga Çekia dhe fitoi ndaj Gjeorgjisë në kuadër të Ligës së Kombeve.
Ndërkohë, sa i përket 10-të pozitave të para të ranglistës së FIFA-s, ato nuk kanë ndryshuar.
