Importi ilegale i naftës që po vjen nga Serbia, përveç që ka cilësi të dobët, po shkakton edhe evazion fiskal në buxhetin e Kosovës dhe po rrezikon shëndetin e qytetarëve.
Kështu ka deklaruar për Tribuna Channel, Selatin Kaçaniku, nga Organizata për Mbrojtjen e Konsumatorëve.
Sipas tij, nafta e kësaj cilësie që po hynë ilegalisht nga shteti fqinjë po e dëmton ambientin, shëndetin dhe xhepin e konsumatorit. Ai vlerëson se në këtë mënyrë serbët po tallen me institucionet dhe me zyrtarët e Kosovës, të cilët sipas tij, janë kapur ngushtë në këtë valle korruptive dhe abuzive./Gazeta Tribuna/Telegrafi/
