Kongresi i shtatë i PPD më 10 shtator

Dje Partia për Prosperitet Demokratik në sallën e Kuvendit të Komunës së Tetovës nën kryesimin e kryetarit të Kuvendit të kësaj partie, Muhamet Halili, e mbajti kuvendin e saj të gjashtë të rregullt, transmeton Telegrafi Maqedoni.

Kuvendi i 6-të i PPD ka vendosur që Kongresi i 7-të i jashtëzakonshëm i kësaj partie të mbahet më 10 shtator të këtij viti, në sallën e Pallatit të Kulturës në Tetovë.

Kongresi pritet ta zgjedhë kryetarin e ri të PPD i cili do të jetë figurë e shquar politike dhe kombëtare shqiptare si dhe ta aprovojë Platformën parazgjedhore për zgjedhjet parlamentare dhe lokale të vitit 2017.

Kuvendi gjithashtu ka vendosur që vjeshta e vitit 2016 të jetë vjeshtë e manifestimeve debutuese dhe kulturore kushtuar 26 vjetorit të themelimit të PPD, parti e parë parlamentare shqiptare në rajon, duke filluar me një tribunë ndërkombëtare me titull : “Kontributi i PPD në demokratizimin e hapësirës politike mbarë shqiptarë” ku do të ftohen folës nga të gjitha trojet shqiptare./Telegrafi/