Konevski: Qëllimi i PSP është rrëzimi i dhunshëm i qeverisë pa respektimin e vullnetit të popullit

“Kemi pasur besim që PSP do të punojë në mënyrë të pavarur, por pas një viti shihet se qëllimi i tyre është diskreditimi i një partie të caktuar politike, ka deklaruar kryetari i komunës Aerodrom, Ivica Konevski si mysafir i lajmeve të TVNova, transmeton Telegrafi Maqedoni.

“Ana jonë e fuqishme janë projektet, ndërsa nga ana tjetër keni një luftë politike për diskreditim të personave të caktuar. Të akuzohet një njeri, ndërsa faji akoma nuk është dëshmuar, kjo nuk respektohet. Të mos ketë respekt të prezumimit të pafajësisë është e palejueshme për cilindo jurist ose prokuror, ka thënë Konevski.

Sipas tij, qëllimi i PSP është rrëzimi i qeverisë pa respektimin e vullnetit të popullit.

“Jemi dëshmitarë që për persona të caktuar të cilët kryejnë punë të paligjshme PSP është e shurdhër dhe e verbër. Falsifikimi i vullnetit të qytetarëve është qëllim i PSP. Zgjedhjet janë dalje e vetme nga kjo situatë, ka thënë më tej ai.

“Bëjmë përpjekje të mos i fryjmë situatës, prandaj dhe bëjmë lëshime”, ka konstatuar Konevski./Telegrafi/