Komuna e Obiliqit ka njoftuar se ka hapur konkurs për ndarjen e bursave të studentëve në universitetet publike, për nivelet e studimeve themelore-bachelor, master dhe doktoraturës për vitin akademik 2024-2025.
Në njoftimin e bërë nga komuna e Obiliqit thuhet se fletëkërkesat e aplikimit mund t’i merrni në zyrën pritëse në objektin e Komunës, dhe të njëjtën mund ta gjeni në ueb-faqen e komunës, duke klikuar këtu.
Po ashtu, aplikimi në këtë konkurs mund të bëhet edhe online 💻 në platformën e aplikimeve online, pa pasur nevojë të vizitoni zyrat tona ose të prisni në radhë. Ky proces online është shumë i thjeshtë:
- Hyni në platformën tonë të re në 🌐 www.obiliqionline.net
- Krijoni një llogari të re 📝 ose kyçuni nëse keni një llogari ekzistuese .
- Zgjidhni shërbimin që dëshironi të aplikoni për nga lista e disponueshme 📋.
- Plotësoni formularin e aplikimit dhe ngarkoni dokumentacionin e nevojshëm 📑 (dokumentet duhet të jenë në PDF 📎).
-Merrni konfirmimin dhe ndiqni statusin e aplikimit tuaj nga llogaria juaj në platformë.
Komuna e Obiliqit inkurajon të gjithë studentët e komunës së Obiliqit të aplikojnë në shpalljen për bursa për vitin 2024-2025./Telegrafi/
