LAJMI I FUNDIT:

Komuna e Gjilanit nderon martirët në 20-vjetorin e masakrës së Llovcës

Komuna e Gjilanit nderon martirët në 20-vjetorin e masakrës së Llovcës

Komuna e Gjilanit me të gjitha institucionet në nivelin lokal, kanë bërë homazhe në 20 vjetorin e masakrës së Llovcës, ku ishin vrarë e masakruar shtatë martirë nga Llovca, një në Pogragjë dhe pesë në Malishevë.

Kryesuesja e Kuvendit të Komunës, Shpresa Kurteshi-Emini, ka thënë se institucionet dhe populli në përgjithësi, janë ata të cilët do t’i përkujtojnë së bashku me familjet e tyre të rënët në luftën për lirinë e Kosovës, transmeton Telegrafi.

“Institucionet e Gjilanit dhe qytetarët në përgjithësi do t’i kujtojnë përherë të gjithë të rënët e posaçërisht të masakruarit sikur në fshatin Llovcë, Pogragjë, Malishevë, Lladovë, Llashticë e të gjitha fshatrat e Gjilanit, sepse ata u vranë në mënyrën më barbare, që historia e njerëzimit do ta mbaj mend luftën e Kosovës në paralelen e njëjtë me holokaustin që ka përcjellë vende të ndryshme nëpër botë. Vepra e tyre ishte sakrifica që ne të jetojmë të lirë sot dhe të kemi një Kosovë të pavarur dhe në rrugën e saj të fuqishme drejtë zhvillimit”, ka thënë mes tjerash Kurteshi-Emini.


Ndërkaq, kryetari i Bashkësisë Islame në Gjilan, Naim Aliu ka thënë se muaji prill në përgjithësi për Gjilanin është muaj i përkujtimit për të gjithë të rënët në këtë pjesë dhe në Kosovë.

“Sot ishim në vizitë lapidarit në Llovcë, Pogragjë e Malishevë, për t’i përkujtuar të gjithë të rënët në luftën për lirinë e Kosovës. Dua të përmendi një citat nga libri i shenjtë ku thuhet ‘dhe mos thuani se ata janë të vdekur, por ata janë të gjallë të cilët furnizohen çdo ditë me begatitë e të madhit Zot’. Pas 20 vjetësh ne përkujtojmë të rënët dhe njëkohësisht i ngushëllojmë familjet e tyre sepse gjaku i tyre është i përjetshëm për të gjithë ne”, ka thënë mes tjerash kryetari Aliu.

Përndryshe, nën përkujdesjen e kryetarit të Gjilanit, Lutfi Haziri, në ora 16:00, në teatrin e qytetit mbahet Akademi Përkujtimore kushtuar 20-vjetorit të masakrës së Llovcës./Telegrafi/

Në trend Lajme

Më shumë
Kërkesat për vizitë, masat e rrepta të sigurisë dhe reagimet – gjithçka nga vizita e Thaçit në QKUK, pas gjendjes së rënduar shëndetësore të babait të tij

Kërkesat për vizitë, masat e rrepta të sigurisë dhe reagimet – gjithçka nga vizita e Thaçit në QKUK, pas gjendjes së rënduar shëndetësore të babait të tij

Lajme
Serbë nga Kosova shkojnë në Beograd “për të mbrojtur presidentin”

Serbë nga Kosova shkojnë në Beograd “për të mbrojtur presidentin”

Lajme
Qeveria e Kosovës mbajti mbledhje elektronike, këto janë vendimet

Qeveria e Kosovës mbajti mbledhje elektronike, këto janë vendimet

Lajme
A është PDK e gatshme t'ia jep Abdixhikut postin e kryeministrit, përgjigjet Bedri Hamza

A është PDK e gatshme t'ia jep Abdixhikut postin e kryeministrit, përgjigjet Bedri Hamza

Politikë
Masakra e Kralanit, e vërteta e dhimbshme e Sheremet Ismajlit - shpëtoi të birin duke marrë vendin e tij në pushkatim

Masakra e Kralanit, e vërteta e dhimbshme e Sheremet Ismajlit - shpëtoi të birin duke marrë vendin e tij në pushkatim

Lajme
E përcolli deri tek shkallët, mjeku i QKUK-së plot emocion rrëfen takimin me Thaçin

E përcolli deri tek shkallët, mjeku i QKUK-së plot emocion rrëfen takimin me Thaçin

Lajme
Kalo në kategori