Komandanti i KFOR-it diskuton situatën e sigurisë në Kosovë me shefin e shtabit të ushtrisë serbe

Komandanti i KFOR-it, Ozkan Ulutas, ka takuar të enjten në Beograd shefin e Shtabit të Përgjithshëm të Forcave të Armatosura të Serbisë, gjeneralin Milan Mojsiloviq.

Në njoftimin e KFOR-it në platformën “X”, thuhet se në këtë takim është diskutuar për situatën e sigurisë në Kosovë.

“Gjatë takimit u shkëmbyen mendime për situatën e sigurisë në Kosovë dhe u dakorduan për vazhdimin e bashkëpunimit të ngushtë”, thuhet në njoftim.

Më tej është bërë e ditur se komandanti i KFOR-it ka ripohuar se ky mision mbetet i fokusuar në zbatimin e mandatit të tij, gjë që e konsideron çelës për stabilitetin rajonal.

Commander of KFOR, MG Özkan Ulutaş paid a visit to the Chief of the General Staff of the Serbian Armed Forces, Gen. Milan Mojsilović, in Belgrade. During the meeting, they exchanged views on the security situation in Kosovo and agreed on continuing close cooperation. pic.twitter.com/YPqAYXw6FL

— NATO Kosovo Force – KFOR (@NATO_KFOR) January 11, 2024

“Komandanti Ulutash ripohoi se KFOR-i mbetet i fokusuar në zbatimin e mandatit të tij të OKB-së – bazuar në Rezolutën 1244 të KS të vitit 1999 – për të siguruar një mjedis të sigurt dhe të sigurt për të gjithë njerëzit që jetojnë në Kosovë dhe lirinë e lëvizjes, në çdo kohë dhe në mënyrë të paanshme. Ky është çelësi për stabilitetin rajonal”, thuhet në njoftim. /Telegrafi/