Jurgen Klopp mund të përballet me ndonjë dënim FA pas festimit të tij ndaj gjyqtarit anësor të ndeshjes Liverpool-Bournemouth.
Liverpooli u rikthye te fitorja në Ligën Premier pas humbje së parë të sezonit ndaj Watfordit.
Reds arritën ta mposhtin Bournemouth me rezultat të ngushtë 2-1 në Anfield të shtunën pasdite.
Fitorja e Reds ishte shumë e rëndësishme pasi erdhi me rikthim, me golat e shënuara nga Mohamed Salah dhe Sadio Mane.
Goli i barazimit nga Salah ka bërë që trajneri gjerman, Klopp, të shpërthej me festën e tij, duke bërtitur në drejtim të gjyqtarit të ndeshjes.
FA tani mund të hapë një hetim mbi incidentin dhe ta dënojë trajnerin e Liverpoolit, përcjell Telegrafi.
Ky gjest i Klopp vjen vetëm një javë pasi Carlo Ancelotti u gjobit me 8,000 funte pas fjalosjes me gjyqtarin Chris Kavanagh pas barazimit 1-1 të Evertonit kundër Manchester Unitedit të dielën e kaluar.
Duke folur pas fitores 2-1 të Liverpoolit ndaj Bournemouth, Klopp pranoi se ishte gabim që festoi përballë ndihmësit të gjyqtarit. /Telegrafi/
