Disa pamje të publikuara thuhet se tregojnë një orka “të robëruar” në Argjentinë.
Aktivistët e të drejtave të kafshëve janë të indinjuar dhe duan të ndryshojnë fatin e saj.
Kshamenk, një orka 35-vjeçare, po mbahet në një rezervuar të vogël në Mundo Marino, akuariumi më i madh i Argjentinës, shkruajnë mediat e huaja, përcjell Telegrafi.
Një kalim kohe 24-orësh i filmuar më 12 gusht nga organizata UrgentSeas tregon Kshamenk, me fytyrën e drejtuar drejtpërsëdrejti në portën e rrethimit sikur të lutej që ta lëshonin.
Sipas akuariumit, orka e atëhershme trevjeçare u gjet e bllokuar në gji së bashku me tre orka të tjera nga tre peshkatarë.
Kshamenk u dërgua më pas në rezervuarin e tij të betonit në akuarium, ku ka kaluar 32 vitet e fundit.
Në fillim, Kshamenk nuk ishte vetëm: “shoku i saj”, Belen, ngordhi në vitin 2000 në moshën 13-vjeçare.
Thuhet se Kshamenk i ka kaluar 24 vitet e fundit në izolim të plotë nga speciet e saj.
"UrgentSeas", një organizatë jofitimprurëse e dedikuar për t'i dhënë fund robërisë, tani po bën fushatë për Kshamenk. /Telegrafi/
