“Kjo ishte diçka që nuk e kisha parë në asnjë lojtar deri në atë moment” – drejtori i Barcelonës thekson aftësinë mahnitëse të Ronaldos

Drejtori sportiv i Barcelonës, Deco theksoi një aftësi të mahnitshme të Cristiano Ronaldos që e befasoi atë.

Deco, gjatë karrierës së tij si lojtar, ishte një nga mesfushorët më të mirë në planet. Një përzierje e teknikës, vizionit dhe elegancës, portugezi ishte një kënaqësi për t’u parë. Ai luajti përkrah Ronaldos edhe për kombëtaren e Portugalisë.

Ish-mesfushori i Barcelonës dhe Chelseat tani ka nënvizuar se si shpejtësia dhe intensiteti i Ronaldos gjatë ditëve kur ishte më i ri mbetën në kujtesën e tij.

Lexo po ashtu Cristiano Ronaldo i lyen thonjtë e këmbëve me të zezë për të njëjtën arsye që Mike Tyson e bëri në boks

“Ah, thjesht të jesh pranë dikujt që ishte dukshëm i ndryshëm, brenda dhe jashtë fushës. Unë u mahnita nga aftësia e tij (Ronaldos), shpejtësia e tij dhe mënyra se si luajti. Loja e tij kishte shumë intensitet”, deklaroi Deco për FourFourTwo.

“Ai i lodhi kundërshtarët – nuk i la të merrnin frymë. Kjo ishte diçka që nuk e kisha parë në asnjë lojtar deri në atë moment. Ai gjithashtu kishte gjithmonë aftësi të mëdha teknike. Ishte e mahnitshme ta shikoje atë”.

Lexo po ashtu "Messi, Messi"- Ronaldo u drejtohet tifozëve kundërshtarë me gjestin e turpshëm

Ndërsa Cristiano Ronaldo u shndërrua më shumë në një golashënues i jashtëzakonshëm gjatë viteve, ai ishte një nga anësorët më të shpejtë në planet gjatë fazave të hershme të karrierës së tij.

Deco luajti 57 ndeshje së bashku me Ronaldon për Portugalinë. Që të dy ishin pjesë e skuadrës së Portugalisë që arriti në finalen e Euro 2004 dhe në gjysmëfinalen e Kupës së Botës 2006. /Telegrafi/