Kjo është pasuria e Branko Manojlovskit (Dokument)

Branko Manojlovskit është deputet në Kuvendin e Maqedonisë nga radhët e BDI-së dhe përfaqëson komunitetin ortodoks shqiptar në vend.

Ai, nga kryetari i BDI-së, Ali Ahmeti, u prezentua si bashkues i shqiptarëve pa marr parasysh fenë dhe si ambasador i shqiptarëve të asimiluar nga Reka e Gostivarit.

Telegrafi Maqedoni vazhdon me publikimin e lajmeve për pasurinë e zyrtarëve të partive politike, ata që janë zyrtare të paraqitur nga vetë ata por edhe ata për të cilat nuk janë zyrtare por do të kemi informacione të sakta.

Branko Manojlovskit ka këto pasuri:
-Ndërtesë prej 1200 m2 në Illinois të SHBA-ve e ndërtuar në vitin 1983, e blerë me kontratë për shit-blerje.
Kjo pasuri vlenë 78.000.000 denarë apo 1.268.292 euro.

– Në muaj ai merr qira prej 660.000 denarë apo 10.730 euro.

-Në bankën Bridgevieë Bank ai ka ruajtur 1.500.000 dollarë amerikanë për të cilat ka shkruar se i ka fituar në tjetër formë.

Branko Manojlovski ka nisur mandatin nga 30 dhjetori i vitit 2016 dhe është duke shijuar edhe imunitetin e të zgjedhurit të popullit por edhe rrogë mujore prej 1300 eurove si deputet. Këtu nuk janë të llogaritura të ardhurat nga pjesmarrje nëpër komisione apo udhëtime zyrtare.

Përndryshe, Manojlovski është deputeti më i vjetër në Kuvendin e Republikës së Maqedonisë. /Telegrafi/