Kjo është dhoma e shtëpisë ku njerëzit grinden më shumë

Hulumtimi është bërë nga Resi, platforma më e madhe e arkitekturës në Mbretërinë e Bashkuar

Të dhënat kanë treguar se njerëzit debatojnë më shpesh në kuzhinë dhe se relaksohen më së shumti në dhomën e ndenjjes

Edhe pse shumë do të mendojnë se çiftet më shpesh debatojnë para banjës, se kush do të hyjë i pari në të, kjo nuk është e vërtetë. Vetëm shtatë për qind e çifteve zihen para kësaj hapësire.

Një studim tregoi se hapësira që shkakton më shumë konflikt mes anëtarëve të familjes është kuzhina. Rreth 15 për qind e të anketuarve thonë se kjo krijon probleme me familjen ose anëtarët e familjes së tyre, transmeton Telegrafi.

Përveç kësaj, vetëm shtatë për qind thanë se u pëlqen të kalojnë më shumë kohë në kuzhinë, ndërsa 65 për qind zgjodhën dhomën e ndenjes si vendin e tyre të preferuar për të kaluar kohën me njerëzit.

Më shumë se gjysma (54 përqind) besojnë se dhoma e ndenjes është vendi më i mirë për t’u çlodhur, krahasuar me vetëm katër përqind që zgjodhën kuzhinën për t’u çlodhur.

Resi porositi një studim të quajtur “Shkenca e një shtëpie të lumtur” për të zbuluar se si ndihemi realisht në hapësirën ku jetojmë dhe anketoi 2005 njerëz. Partneri i tyre i kërkimit të të dhënave Focaldata përdori tipare të personalitetit nga modeli i profilizimit OCEAN i përdorur nga psikologët për të vlerësuar se sa të lumtur i bënë shtëpia njerëzit.

Një 49 për qind thanë se dhoma e ndenjes ishte dhoma e tyre më e rëndësishme, krahasuar me vetëm 17 për qind që thanë se ishte kuzhina. Nga të gjitha dhomat e shtëpisë, 30 për qind prej nesh do t’i jepnin përparësi investimit në kuzhinë mbi çdo hapësirë tjetër, një shifër që shkon në 74 për qind për ata që nuk kanë hapësirë të hapur. Dy të tretat prej nesh (64 përqind) nuk kanë kuzhinë të hapur.

Një e katërta (25 përqind) gjithashtu thanë se kuzhina kishte nevojë për përmirësimin më të shumta se çdo dhomë në shtëpi, me shifrën që shkonte në një të tretën (36 përqind) e atyre që përgjithësisht ishin të pakënaqur me shtëpinë e tyre. Për më tepër, 36 për qind thanë se kuzhina kërkon më shumë mirëmbajtje, më shumë se çdo dhomë tjetër në shtëpi. /Telegrafi/