Botë Nga Bota Amerika

Kishte 12 vrima plumbash në trup,…: Dalin detaje tjera shokuese rreth vrasjes së presidentit të Haitit, Jovenel Moise

Para 3 vitesh

Presidenti i Haitit ishte qëlluar me 12 plumba dhe i kishin nxjerrë njërin sy kur vrasësit me pushkë bastisën rezidencën e tij, duke e lënë gruan e tij të plagosur rëndë, në orët e para të së mërkurës.

Sipas mediave të huaja, përcjell Telegrafi, vajza e tmerruar e Jovenel Moise, Jomarlie u fsheh në një dhomë gjumi ndërsa ‘të huajt’ plaçkitën zyrën dhe dhomat e tij, duke qëlluar me automatik dhe duke e lënë 53-vjeçarin të vdiste nga një vdekje e tmerrshme, i shtrirë në një “pishinë gjaku” në një rezidencë private në kodrat mbi Port-au-Prince.

Një shërbëtore dhe një shërbëtor tjetër u lidhën nga personat e armatosur të cilët ishin thirrur në ‘operacionin DEA’, duke pretenduar se ishin oficerë të Administratës së Zbatimit të Drogave të SHBA-së, duke folur në anglisht dhe spanjisht.

Zonja e Parë, Martine, 47 vjeç, u qëllua përmes këmbëve, krahut, si dhe dorës dhe më pas u dërgua në një ‘gjendje kritike’ në një spital në Miami.

Gjendja e Martine u përshkrua natën e kaluar si “jashtë rrezikut” dhe në një “gjendje të qëndrueshme” nga kryeministri Joseph Claude, i cili ka marrë pushtetin e vetëm të vendit, duke deklaruar një “shtet rrethimi” duke i dhënë atij autoritet absolut.

Ndërkohë shefi i policisë Leon Charles tha se katër ‘mercenarë’ u qëlluan për vdekje ndërsa u përpoqën të largoheshin nga vendi i sulmit, ndërsa dy të tjerë janë në paraburgim, përcjell Telegrafi.

Charles tha se një numër i paspecifikuar i sulmuesve mbeti i lirë por u zotua se ‘do të vriten ose arrestohen’.

“Zyra e presidentit dhe dhoma e gjumit u plaçkitën. Ne e gjetëm atë të shtrirë në shpinë, pantallona blu, një këmishë të bardhë të lyer me gjak, gojën hapur, syrin e majtë të nxjerrë jashtë”, ka thënë ai.

Kryeministri Joseph pretendon se ai e ka situatën në dorë, por bashkësia ndërkombëtare ka frikë se vendi do të shkojë drejt një kaosi të plotë pas disa muajsh protestash kundër Moise, i cili u akuzua për kthimin e vendit në një diktaturë dhe lejimin e gangsterëve të armatosur të endeshin rrugëve.

Siç ishte thënë, bastisja ndodhi menjëherë pas orës 1 të mëngjesit me kohën lokale.

Vrasja erdhi në mes të trazirave politike në Haiti me kundërshtarët e Moise duke u përpjekur ta detyronin atë nga detyra, duke pretenduar se mandati i tij pesë-vjeçar ka skaduar.

Moise tha përsëri në shkurt se ai mbijetoi në një përpjekje tjetër për vrasje, duke e përshkruar atë si ‘një grusht shteti’.

Si pasojë, u arrestuan të paktën 23 persona, përfshirë një gjykatës të lartë dhe zyrtar të policisë.

Joseph tani ka shpallur një “shtet rrethimi” dy-javor duke vendosur ligjin ushtarak, duke ndaluar të gjitha fluturimet nga Port-Au-Prince, ndërsa Republika Dominikane fqinje mobilizoi ushtrinë e saj për të ruajtur kufirin e vetëm tokësor të Haitit.

Bocchit Edmond, ambasadori haitian në Shtetet e Bashkuara, i përshkroi vrasësit si ‘mercenarë të huaj dhe vrasës profesionistë’, dhe Joseph tha se disa prej bandave besohet të jenë nga Kolumbia dhe Venezuela.

Shefi i Policisë së Haitit, Léon Charles tha të mërkurën vonë se tre oficerë policie ishin marrë peng nga vrasësit e dyshuar, por u shpëtuan në mënyrë të sigurt pas një shkëmbimi zjarri policie me të dyshuarit. /Telegrafi/