KIPRED: Shteti ka dështuar në parandalimin e islamit radikal

Institucionet e Kosovës dhe partitë politike kanë dështuar në parandalimin e radikalizmit islam, edhe pse e kanë pasur obligim ligjor.

Kështu u tha sot gjatë prezantimit të raportit me temë “Çfarë ndodhi me shqiptarët e Kosovës: Roli i religjionit në identitetin etnik në periudhën e shtet- ndërtimit” nga KIPRED.

Hulumtuesi në KIPRED, Agon Demjaha tha se pas luftës për fat të keq po prejudikohet islami radikal.

Kryeshefi ekzekutiv në KIPRED, Lulëzim Peci tha se ky hulumtim ka për qëllim të analizojë ndikimin e islamit dhe krishterimit në identitetin etnik të shqiptarëve të Kosovës, të identifikojë ndërrimet e identitetit që janë shfaqur gjatë periudhës së shtetndërtimit.

Peci tha se ligji për bashkësitë fetare duhet të miratohet sa më shpejt që të jetë e mundur, i cili duhet të përcakton vendin e këtyre bashkësive në rendin sekular kushtetues të Kosovës, si dhe llogaridhënien e tyre financiare, transmeton KP.

Institucionet qeveritare dhe udhëheqësit politik duhet që të prezantojnë një diskurs të përbashkët publik, i cili do të promovonte identitetin sekular dhe bashkëjetesën fetare në mesin e shqiptarëve të Kosovës.