Kim Jong-un beson se alienët e sollën coronavirusin në Korenë e Veriut

Përhapja e COVID-19 në Korenë e Veriut filloi kur qytetarët kanë prekur “gjëra aliene” që kishin rënë pranë kufirit të saj me Korenë e Jugut, kanë pohuar media shtetërore në Phenian.

Qytetarët u bënë thirrje të jenë vigjilentë ndaj objekteve që mund të kenë ardhur përtej kufirit nga Jugu.

Për vite me radhë aktivistët në jug kanë fluturuar balona përtej kufirit për të dërguar fletëpalosje dhe ndihma humanitare.

Në përgjigje, Seuli thotë se nuk ka “asnjë mundësi” që coronavirusi të ketë kaluar kufirin në atë mënyrë, raporton bbc.

Sipas mediave shtetërore të Koresë së Veriut, një hetim zyrtar gjeti dy persona që u infektuan me virusin që në fillim të shpërthimit pasi ranë në kontakt me materiale të paidentifikuara pranë kufirit të Koresë së Jugut.

Një ushtar 18-vjeçar dhe një fëmijë pesë-vjeçar rezultuan pozitivë për virusin në fillim të muajit prill pasi gjetën objektet në një kodër në Ipho-ri, raportoi ai.

Që atëherë, media shtetërore tha se “Virusi malinj COVID-19 … është përhapur me shpejtësi në DPRK [Koreja e Veriut].”

Si rezultat i hetimit, njerëzit në vend udhëzohen që “të marrin me vigjilencë gjërat e huaja që vijnë nga era dhe dukuritë e tjera klimatike si dhe balonat në zonat përgjatë vijës së demarkacionit dhe kufijve”.

Kushdo që vëren një objekt të çuditshëm udhëzohet ta raportojë atë menjëherë, në mënyrë që të mund të hiqet me shpejtësi nga një ekip urgjent kundër epidemisë.

Ndryshe, kufiri i mbyllur midis Koreve është një nga më të ruajturit në botë, por dezertorët dhe aktivistët e Koresë së Jugut prej vitesh kanë hedhur tullumbace në të gjithë ndarjen me mesazhe kundër Koresë së Veriut. /Telegrafi/