Instituti botëror i ngjyrave Pantone, ka dekretuar ngjyrat që do të shënojnë vitin 2021
Fjala është për të hirtën ultimative (Ultimate Gray 17-5104) dhe të verdhën e zjarrtë (Illuminating 13-0647) – dy ngjyra të pavarura të cilat përkrahen , transmeton Telegrafi.
Ngjyra e hirtë ultimative është simbol i elementeve të forta dhe të sigurta në natyrë – si rëra në plazh - të cilat zgjasin përjetësisht dhe janë të afta që t’i kundërvihen kohës.
Ajo nxit ndjenjën e qetësisë, qëndrueshmërisë dhe stabilitetit.
E verdha e zjarrtë është ngjyrë e shpresës dhe na forcon me energjinë e vet, kthjelltësinë dhe dëshirën që të mbizotërojnë pasigurinë e përhershme në këto kohë joreale, aq më parë në fillim të vitit të ri.
Ajo shtrihet me lumturi dhe emocione pozitive.
Nga njëra anë e hirta ultimative është ngjyrë praktike, ndërsa e verdha e zjarrtë fut ngrohtësi dhe optimizëm.
Ajo është kombinim i fuqishëm i forcës dhe i pozitivitetit, i cili pushton që në start dhe bart porosinë e lumturisë, të të menduarit dhe miqësisë në vitin 2021.
Çdo dhjetor, Instituti i ngjyrave Pantone, publikon parashikimet e tij për vitin në vazhdim, bazuar në një analizë të trendeve dhe teknologjive ekzistuese të modës. /Telegrafi/
