Kështu festohen Krishtlindjet në mbarë botën: Nga udhëtimi tradicional në plazh deri te minuset historike

Në të gjithë botën, të krishterët festojnë festën e tyre më të gëzueshme, Krishtlindjen, ditën që shënon lindjen e Jezu Krishtit.

Në vende të ndryshme të botës ka mënyra të ndryshme për të festuar, por gjëja e zakonshme është të shkosh në meshë dhe festë familjare, transmeton Telegrafi.

Mesha më e rëndësishme e mesnatës u drejtua nga Papa Françesku në bazilikën e Vatikanit, nga e cila tha se dihet shumë për Krishtlindjet, por se kuptimi i saj është harruar. Papa paralajmëroi për materializmin e botës moderne dhe luftërat që po ndodhin.

Ndërsa në gjysmën veriore të globit Krishtlindjet shoqërohen me borë dhe dimër, në Australi, Krishtlindjet bien në verën kalendarike dhe tradicionalisht dita e parë e Krishtlindjeve shënohet duke shkuar në plazh.

Ndryshe nga Australia, Shtetet e Bashkuara e mirëpritën këtë Krishtlindje, të ngujuar nga bora dhe temperaturat e papara në dekada. Mahmud Abbas, presidenti i Palestinës, mori pjesë në meshën në Betlehem, vendi ku lindi Jezusi më shumë se 2 mijë vjet më parë.

Krishtlindjet festohen edhe në Kiev të Ukrainës, që është nën kufizime të vazhdueshme të energjisë elektrike për shkak të agresionit rus. Presidenti i Ukrainës, Volodymyr Zelensky, tha në mesazhin e tij për Krishtlindje, se liria ka një çmim të lartë, por skllavëria ka një çmim edhe më të lartë.

Disa nga zakonet interesante të Krishtlindjeve në botë janë se Islanda tradicionalisht jep një libër, në Poloni thyhet buka speciale Oplatiki, dhe në Japoni familjet mblidhen rreth një kovë me krahë pule të skuqura. /Telegrafi/