LAJMI I FUNDIT:

Këndi i VAR-it tregon versionin e tyre mbi topin tek goli kontrovers i Japonisë ndaj Spanjës

Këndi i VAR-it tregon versionin e tyre mbi topin tek goli kontrovers i Japonisë ndaj Spanjës

FIFA ka konfirmuar se topi ka mbetur në lojë gjatë ndeshjes mes Japonisë dhe Spanjës të enjten mbrëma, në momentin kur u shënua goli i fitores.

Ao Tanaka gjeti rrjetën pak pas pjesës së parë për të siguruar një fitore të madhe 2-1 për Japoninë dhe vendin e parë përpara Spanjës në grupin e tyre. Pavarësisht se mundi Kosta Rikën me rezultat 4-2 në ndeshjen tjetër të grupit, Gjermania u eliminua nga turneu me gol-diferencë.

Shumë tifozë besojnë se goli i Tanaka nuk duhej të qëndronte pasi topi dukej se doli jashtë loje përpara se Kaoru Mitoma ta pasonte topin. Ndihmësi i gjyqtarit fillimisht sinjalizoi daljen e topit jashtë vijës së fundit përpara se zyrtarët e VAR-it të zbulonin se një pjesë e vogël e topit ishte ende në lojë.


FIFA tani ka publikuar një imazh – i cili u shfaq në terren – për të vërtetuar vlefshmërinë e golit, por transmetuesi zgjodhi të mos e shfaqte atë. Kjo do të thotë që të gjithë ata që e shikonin ndeshjen në TV – përfshirë tifozët e shqetësuar të Gjermanisë – nuk e kishin idenë pse goli qëndroi.

Imazhi i publikuar nga dhoma e VAR-it e FIFA-s

Mediumi ITV, i cili transmetoi ndeshjen në Mbretërinë e Bashkuar, kaloi disa minuta duke parë në kënde të ndryshme të topit për të gjetur arsyen e pranimit të golit. Një kënd tregon distancën e qartë midis bazës së topit dhe vijës së bardhë, gjë që sugjeron se topi është jashtë lojës.

Megjithatë, ky kënd është i parëndësishëm. I vetmi kënd që ka rëndësi është ai nga drejtpërdrejt mbi topin, i cili tregon se një pjesë e vogël e tij ishte në lojë.

Sipas rregullave të FIFA-s, i gjithë topi duhet të jetë jashtë vijës së bardhë që ai të konsiderohet jashtë loje.

Zyrtarët e VAR-it ishin në gjendje të konfirmonin topin në lojë duke përdorur censurues të vijës së portës. Megjithatë, kjo nuk do ta ndalojë Gjermaninë dhe tifozët e saj të jenë kritikues. Rezultati i së enjtes mbrëma do të thotë se ata tani janë rrëzuar nga Kupat e Botës në fazën e grupeve. /Telegrafi/

Në trend Sport

Më shumë
Legjenda e Real Madridit ‘tronditë’ me krahasimin e Lamine Yamal me Lionel Messin

Legjenda e Real Madridit ‘tronditë’ me krahasimin e Lamine Yamal me Lionel Messin

La Liga
Komiteti Olimpik i Kosovës reagon pas heqjes së flamurit të Kosovës në Kongresin e UEFA

Komiteti Olimpik i Kosovës reagon pas heqjes së flamurit të Kosovës në Kongresin e UEFA

Sport vendor
Transformimi i yllit të Barcelonës është brutal, po befason të gjithë

Transformimi i yllit të Barcelonës është brutal, po befason të gjithë

La Liga
Zbulohet se çfarë tha trajneri i Galatasarayt që provokoi Mourinhon para incidentit të jashtëzakonshëm

Zbulohet se çfarë tha trajneri i Galatasarayt që provokoi Mourinhon para incidentit të jashtëzakonshëm

Ligat tjera

"Do të kërkojmë sqarime nga UEFA, veprim i turpshëm, i papranueshëm dhe i dënueshëm" - ministri Çeku flet për largimin e flamurit në Beograd

Sport vendor
Atletico Madridi synon dy yjet e Tottenhamit për të filluar rindërtimin e ekipit

Atletico Madridi synon dy yjet e Tottenhamit për të filluar rindërtimin e ekipit

La Liga
Kalo në kategori