KB Rahoveci ka shënuar fitore të thellë me rezultat 124-29 ndaj KB Lipjanit në palestrën e Suharekës.
Ndeshja u zhvillua në një organizim special me tifozët Vreshtarët, të cilët ishin të pransihëm dhe krijuan atmosferë fenomenale në këtë takim.
I pranishëm ishte drejtori për kulturë rini dhe sport, Gardalin Shtavica, teksa nuk munguan as të gjithë zyrtarët e klubit.
Nga çereku i parë është parë fituesi i vërtet. Depërtime, ngulitje, tre pikësha, dy pikësha fenomenal dhe shumë aksione të bukura ngritën në këmbë publikun.
Në pjesën e parë më të mirët ishin Mustafë Merovci, Besnik Sharku dhe Alban Latifi, teksa lojë të mirë shfaqi edhe Driton Bajrami, i cili ishte fenomenal në trapez. Ardit Osmani shtoi disa trershe të bukura, duke treguar shumë-anshmërinë e tij.
Në pjesën e dytë luajtën rahovecianët e rinj, Berat Mullabazi dhe Halim Nurshaba, të cilët realizuan pikë mjaft të bukura, në theks të veçantë Mullabazi la përshtypje të mëdha me lojën e tij të bukur, prezencën fizike, pozicionimin taktik dhe dëshirën për të shënuar.
Arion Balluku ndihmoi në këtë, duke qenë top asistuesi i këtij takimi, teksa të gjithë lojtarët realizuan pa dallim në spektaklin e madh para tifozëve. Albion Metbala realizoi dy treshe të bukura.
Ndeshja u mbyll me pikët e Halim Nurshabës, talentit të ri, teksa në fund festuan tifozët dhe lojtarët e KB Rahovecit, të cilët kështu shkruan histori duke mbyllur sezonin pa asnjë humbje të vetme me 20 fitore.
Tash KF Rahoveci ka shumë punë në play off, me Dritën konkurrente të vetme serioze. Megjithatë, me përkrahjen e tifozëve, është shumë i mundshëm objektivi Superliga, e mesazh më të mirë se fitore e suksese të tilla për fundin e palestrës nuk ka. /Rahoveci24/
