Katër arsyet më të zakonshme pse një qen ju shikon: Ndonjëherë mund të jetë e pakëndshme, por nuk keni arsye për t’u shqetësuar

Qentë shpenzojnë shumë kohë duke parë njerëzit, dhe shumë pronarë të qenve shpenzojnë shumë kohë duke pyetur veten – pse?

Qentë shpesh i shikojnë pronarët e tyre. Kjo gjuhë e trupit te qentë është shumë specifike dhe hulumtimet kanë treguar se ka katër arsye kryesore pse ata e bëjnë këtë, transmeton Telegrafi.

1. Qeni tregon dashuri

Qentë i adhurojnë pronarët e tyre. Dhe ashtu si partnerët e dashurisë u pëlqen të shikojnë njëri-tjetrin në sy, ashtu bëjnë edhe qentë për të shprehur dashurinë dhe përkushtimin e tyre. Dhe, ndërsa mund të ndieni pak në siklet, mbani në mend se qeni juaj është i magjepsur nga ju.

Ju gjithashtu mund t’i shfrytëzoni ato momente. Ndërsa qeni juaj ju shikon, përdorni fokusin e tij të stërvitjes. Ky është momenti kur ata do t’ju dëgjojnë më shumë.

2. Qeni ka nevojë për diçka

Për shkak se ai nuk flet, qeni përdor një vështrim të gjatë dhe intensiv për t’i bërë të ditur pronarit se ka nevojë për diçka. Ndoshta ai është i uritur ose dëshiron të shkojë për një shëtitje; ose humbi topin nën divan.

3. Pronari po ha diçka

Ndonjëherë arsyeja e vetme që një qen ju shikon është sepse jeni duke ngrënë diçka. Nëse pronari ka diçka në gojë, edhe qeni dëshiron ta provojë.

Vetëm për shkak se patatet e skuqura nuk janë ushqim për qentë nuk do të thotë se ai nuk është i interesuar, veçanërisht kur ju sheh duke u kënaqur ndërsa e hani atë.

4. Qeni është agresiv

Kjo situatë nuk është e zakonshme, megjithatë, mund të ndodhë. Nëse vështrimi i qenit është i përqendruar dhe nuk pulson, dhe trupi i tij është i ngurtë, atëherë ai shfaq shenja agresioni. Kjo mund të ndodhë nëse pronari provon të prekë ushqimin e tij ose një lodër që e mban me kujdes.

Në këtë rast, duhet të qartësohet shpejt se çfarë po ndodh.

/Telegrafi/