Katër arsyet përse duhet ta vizitoni Abi Çarshinë

I njohur edhe si “qyteti muze”, Prizreni, i cili shtrihet në pjesën jugore të Rrafshit të Dukagjinit, është qyteti unik në Kosovë, e që karakterizohet nga kultura, antikiteti, trashëgimia arkeologjike, festivalet e shumta, etj.

Por, përveç bukurisë që ka dhe gjërave të shumta që i ofron (sikurse çaji e qebapët e shijshëm), qyteti i Prizrenit është edhe shtëpia e qendrës më moderne tregtare, Abi Çarshisë.

Abi Çarshia ka sjell revolucion në industrinë e qendrave tregtare në Kosovë, duke u bërë qendra më e madhe e hapur tregtare e cila ofron një shumëllojshmëri aktivitetesh e mundësisë.

Sidoqoftë, cilat janë 4 arsyet se përse duhet ta vizitoni Abi Çarshinë?

Shijimi i qytetit të Prizrenit!

Pasi që gjendet në qytetin e Prizrenit, sigurisht se nuk mund ta vizitoni Abi Çarshinë pa u shëtitur fillimisht në rrugët e qytetit më të bukur të Kosovës, ta shijoni ndonjë çaj në rrugicat me kocka apo të ngjiteni në kalanë antike e cila daton me qindra vite më parë.

Vizitimi i Abi Çarshisë domosdoshmërish ndërlidhet edhe me shijimin e kulturës dhe bukurisë së qytetit!

Hapësirat e bukura për foto në Abi Çarshi

E krijuar duke i menduar të gjitha, qendra tregtare Abi Çarshia ofron hapësira të shumta për të shkrepur foto të paharrueshme për individë, çifte e familjarë.

Mundësitë e panumërta për shopping dhe ushqim

Me moton “të gjitha në një vend”, Abi Çarshia ju mundëson që pas një eksperience unike të blerjes apo shoppingut, të uleni në një nga restorantet apo kafiteritë e shumta dhe të ngopeni me ushqimin e preferuar.

Këndi argëtues për fëmijë dhe të rritur

Si sinonim i lumturisë, qendra tregtare Abi Çarshia ofron hapësira të veçanta për ju dhe të vegjlit tuaj! Këto hapësira vijnë edhe në formën e këndit argëtues, ku fëmijët dhe të rriturit mund të argëtohen përmes aktiviteteve të ndryshme.