Kastrati: Nëse serbët s’e votojnë ushtrinë, shkojmë me planin B

Kandidati për deputet nga Partia Demokratike e Kosovës, Kadri Kastrati, duke e komentuar mosvotimin e ushtrisë nga ana e serbëve thotë se se është optimist se ata do të ndryshojnë qasje. Kjo, pasi sipas tij, transformimi i FSK-së në ushtri është edhe në dobi të tyre.

“Jam optimist që serbët do ta shohin se transformimi i FSK-së në në ushtri është në dobi edhe të komunitetit serb dhe nuk shoh arsye pse ata nuk do të pajtoheshin.

E di që atë kohë ka qenë një vendim politik dhe besoj se do ta ndryshojnë qasjen”, është shprehur Kastrati në emisionin “DEBAT D” në RTV Dukagjini ku temë diskutimi është themelimi i Ushtrisë së Kosovës.

Kastrati ka shtuar se Kosova nuk mund të pres deri në pafundësi që serbët të ndryshojnë mendje.

“Kosova nuk mund të pret në pafundësi për të drejtat e veta si shtet i pavarur atëherë ne do të shkojmë më opsionin B”, është shprehur ai.

Kandidati për deputet në Kuvendin e Kosovës nga radhët e Partisë Demokratike të Kosovës, Kadri Kastrati, ka thënë se transformimi i Forcës së Sigurisë së Kosovës në ushtri është një prej prioriteteve kryesore të partisë në të ardhmen.