Kaos tek Argjentina, futbollistët bojkotojnë stërvitjen dhe e lënë Sampaolin në stol

Një situatë kaotike ka mbërthyer kombëtaren e Argjentinës, në këtë Kampionat Botëror që po mbahet në Rusi.

Një klan lojtarësh të Argjentinës i kanë kërkuar zyrtarisht Federatës që të shkarkojë trajnerin Jorge Sampaoli para ndeshjes së fundit ndaj Nigerisë, por kjo e fundit e ka refuzuar këtë kërkesë.

Presidenti i Federatës Argjentinase të Futbollit, Claudio Tapia, fillimisht ka qenë i lëkundur me këtë kërkesë, përcjell KP.

Lexo po ashtu Messi, Caballero, Sampaoli... Të gjithë fajtorët e fatkeqësisë argjentinase

Por, pas një takimi me vetë trajnerin ka vendosur ta konfirmojë në detyrë Sampaoli, duke sjellë përçarjen mes trajnerit e Federatës nga njëra anë dhe lojtarëve nga ana tjetër.

Një situatë aspak e këndshme, ndërkohë që eliminimi nga Botërori, pas një humbje e një barazimi, është në derë.

Lexo po ashtu Televizioni argjentinas mban një minutë heshtje pas humbjes ndaj Kroacisë, si shenjë 'vdekje' për futbollin e këtij vendi

Grupi i futbollistëve nuk ka aspak besim te trajneri dhe lojtarët kanë zhvilluar një takim mes tyre.

Pas refuzimit të kërkesës së tyre për të shkarkuar Sampaolin, ata kanë kërkuar që trajneri të qëndrojë i ulur në një cep në stol dhe t’i marrin vetë vendimet: formacionin, stërvitjen etj., dhe të mos ndjekin më këshillat e trajnerit.