LAJMI I FUNDIT:

Kancelari gjerman tregohet i ashpër me zëvendëspresidentin amerikan

Kancelari gjerman tregohet i ashpër me zëvendëspresidentin amerikan

Kancelari gjerman, Olaf Scholz, dhe ministri i Mbrojtjes, Boris Pistorius, reaguan menjëherë ndaj deklaratave të zëvendëspresidentit amerikan, JD Vance, lidhur me demokracinë evropiane, duke i cilësuar ato të papranueshme.

Gjatë Konferencës së Sigurisë në Munih, Vance deklaroi se demokracia dhe liria e shprehjes mungojnë në Evropë, një qëndrim që hasi kundërshtimin e fortë të kreut të qeverisë gjermane.

JD Vance kritikon lirinë 'e tepruar' në Evropë - godet Britaninë dhe Gjermaninë
Lexo po ashtu JD Vance kritikon lirinë 'e tepruar' në Evropë - godet Britaninë dhe Gjermaninë

Ai ngriti gjithashtu shqetësime mbi çështjen e emigracionit, duke argumentuar se vendet evropiane e kanë nënvlerësuar ndikimin e emigracionit masiv.


Scholz e kundërshtoi ashpër këtë deklaratë, duke shkruar në platformën X, “I refuzoj në mënyrë të prerë qëndrimet e zëvendëspresidentit amerikan JD Vance në Konferencën e Sigurisë në Munih”.

Ai theksoi se përvojat nga nacional-socializmi kanë krijuar një konsensus të fortë mes partive demokratike gjermane kundër ekstremizmit të djathtë.

Nga ana tjetër, Pistorius e akuzoi Vance për vënien në dyshim të demokracisë evropiane. “Ai flet për shkatërrimin e demokracisë dhe, nëse e kam kuptuar drejt, po e krahason situatën në disa vende të Evropës me regjime autoritare… Kjo është e papranueshme”, tha ai.

Pasi i kritikoi zëvendëspresidenti amerikan, kundërpërgjigjet ministri gjerman i Mbrojtjes
Lexo po ashtu Pasi i kritikoi zëvendëspresidenti amerikan, kundërpërgjigjet ministri gjerman i Mbrojtjes

Duke iu referuar partisë ekstremiste të djathtë AfD, e cila renditet e dyta në sondazhet gjermane, Pistorius ironizoi pretendimin e Vance se liria e fjalës po pengohet. “Demokracia do të thotë që edhe partitë si AfD mund të bëjnë fushatë normalisht, si çdo subjekt tjetër politik”, theksoi ai.

“Por demokracia nuk nënkupton që një pakicë që bërtet më shumë ka gjithmonë të drejtë dhe përcakton të vërtetën”, përfundoi ministri gjerman i Mbrojtjes.

Ndryshe, Vance ka pasur takim edhe me zyrtarët e partisë së djathtë ekstreme, AfD. /Telegrafi/

Në trend Botë

Më shumë
Publikohen pamjet e shembjes së çatisë në stacionin hekurudhor në Novi Sad

Publikohen pamjet e shembjes së çatisë në stacionin hekurudhor në Novi Sad

Serbia
ANKA-III, droni turk godet me sukses objektivin duke përdorur bomba LGK-82

ANKA-III, droni turk godet me sukses objektivin duke përdorur bomba LGK-82

Turqia
Rubio: Jemi më afër paqes në Ukrainë

Rubio: Jemi më afër paqes në Ukrainë

Botë
Kërkesa e politikanit francez për kthimin e Statujës së Lirisë nervozon mbështetësit e Trumpit: Eja, merre

Kërkesa e politikanit francez për kthimin e Statujës së Lirisë nervozon mbështetësit e Trumpit: Eja, merre

Amerika
Shkumë misterioze shfaqet në brigjet e Australisë, sëmurën 100 serfistë

Shkumë misterioze shfaqet në brigjet e Australisë, sëmurën 100 serfistë

Australia
Izraeli u konsultua me SHBA-në për sulmet në Gaza, thotë zëdhënësja e Shtëpisë së Bardhë

Izraeli u konsultua me SHBA-në për sulmet në Gaza, thotë zëdhënësja e Shtëpisë së Bardhë

Botë
Kalo në kategori