Kallëzime penale për drejtuesit e Institutit Ndërkombëtar Sllav “Gavrillo Romanoviq Derzhavin”

Sektori për Punë të Brendshme (SPB) në Kumanovë ka kallëzuar penalisht personat M.B (33) nga Kumanova, B.S (36) nga Shën Nikolla, njiherit Drejtor i Përgjithshëm i Institutit Ndërkombëtar Sllav “Gavrillo Romanoviq Derzhavin”, pastaj D.N (71) nga Probishtipi, njiherit rektor i këtij instituti, si edhe V.M.N (59), i punësuar në Inspektoratin shtetëror të arsimit.

Kallëzim penal është ngritur edhe ndaj vetë institutit, si person juridik, njofton Telegrafi Maqedoni.

M.B dyshohet për përdorim të dokumenteve të falsifikuara, ndërsa B.S dhe D.N dyshohen për keqpërdorim të pozitës zyrtare dhe kompetencave dhe për falsifikim dokumentesh. V.M.N dyshohet për punë të pandërgjegjshme në shërbim.

M.B është regjistruar si student në institutin e lartpërmendur, pro në periudhën 2009-2012 ka punuar në Afganistan, ndërsa ka kaluar shumicën e provimeve pa qenë prezent në Maqedoni.

Me diplomën e marr në këtë institut, M.B është punësuar në Ministrinë e Punëve të Brendshme, edhe atë në Drejtorinë për Siguri dhe Kundërzbulim (DSK).

B.S dhe D.N e kanë mundësuar diplomimin e M.B, kurse personi i fundit, V.M.N, si inspektor i arsimit ka tentuar të mbulojë rastin e provimeve./Telegrafi/