Kalenderi, i pandalshëm në automobilizëm

Liridon Kalenderi i Auto Klubit Prizreni D&G është fitues i garës malore Grashtica 2015, e cila njëherësh ishte e fundit për Kampionatin e sivjetmë të Kosovës në automobilizëm.

Në garën e të dielës, ai ishte dukshëm më i shpejtë se rivali i tij kryesor, Valdet Krasniqi. Garuesi prizrenas në e pati kohën prej 3:15.736 minuta, duke qenë më i shpejtë se Krasniqi për 14.973 sekonda.

“Së pari dëshiroj të shpreh respektin për të gjithë garuesit, për anëtarët e FASK-ut dhe kryetarin Ismet Rexhepi, sepse është bërë një punë e madhe. Natyrisht që jam i kënaqur edhe me suksesin e arritur, aq më tepër duke marrë parasysh se automobilizmi nuk është sport i lehtë, pasi kërkon sakrificë dhe investime. Besoj që në vitin e ardhshëm do të punojmë edhe më shumë dhe të arrijmë rezultate të mira edhe në arenën ndërkombëtare”, ka thënë Kalenderi pas përfundimit të garës.

Konkurrencë e madhe ishte në kategorinë e parë dhe të dytë, të cilat në fund u fituan nga Bekim Kovaçi dhe Alban Berisha, ndërsa në kategorinë e tretë, të katërt dhe të gjashtë, ashtu siç pritej triumfuan Përparim Dushi, Arbnor Musliu dhe Bardhyl Canolli. Madje ky i fundit ishte mjaft i suksesshëm edhe në plasmanin e përgjithshëm, duke u renditur në pozitën e dytë.

Në garën e kësaj fundjave mysafirë të FASK-ut ishin edhe disa nga garuesit më të mirë të Malit të Zi, të cilët u ndanë të kënaqur me mikpritjen dhe organizimin.

Rezultatet:

Kategoria e parë:

1. Bekim Kovaçi (Yugo – Prizreni D&G) 4:09.975
2. Afrim Spahi (Yugo – Prizreni D&G) +12.715
3. Kushtrim Bytyçi (Renault – Ferizaj) +24.600

Kategoria e dytë:

1. Alban Berisha (Suzuki – Prizreni D&G) 3:52.759
2. Besnik Çitaku (Opel – Prishtina CP) +04.897
3. Korab Bajraktari (Peugeot – Ferizaj) +05.178

Kategoria e tretë:

1. Përparim Dushi (Honda – Prishtina RT) 3:33.487
2. Valdet Kaçandolli (Suzuki – Prishtina RT) +01.127
3. Bujar Gola (Yugo – Gjakova 137) +14.519

Kategoria e katërt:

1. Arbnor Musliu (Opel – Prishtina CP) 3:38.498
2. Enis Murati (Renault – Prishtina RT) +11.767
3. Rexhep Bytyçi (Peugeot – Ferizaj) + 13.283

Kategoria e pestë:

1. Liridon Kalenderi (Audi – Prizreni D&G) 3:15.738
2. Valdet Krasniqi (Lancia – Prishtina RT) +14.973
3. Naim Dashaj (Subaru – Prishtina RT) +15.649

Kategoria e gjashtë:

1. Bardhyl Canolli (BMW – Prishtina RT) 3:24.919
2. Besfort Hana (Opel – Gjakova 137) +18.449
3. Kastriot Buqaj (Golf – Prishtina RT) +21.154

Renditja e përgjithshme:

1. Liridon Kalenderi
2. Bardhyl Canolli
3. Valdet Krasniqi

Renditja në konkurrencën ekipore:

1. Prizreni D&G
2. Prishtina RT
3. Ferizaj

Mysafirët:

1. Nemanja Kascelan
2. Tripo Ivovic
3. Nikola Nikolic