Jolevski: Për anëtarësim në NATO jemi të gatshëm që nga viti 2008

Republika e Maqedonisë mbetet tërësisht e gatshme dhe e përkushtuar ndaj qëllimit strategjik të saj – anëtarësim fuqiplotë në NATO Aleancë, ka theksuar ministri i Mbrojtjes i Republikës së Maqedonisë në takimin e sotëm me delegacionin e Asamblesë Parlamentare të NATO, transmeton Telegrafi Maqedoni.

“Proceset e reformave në Ministri dhe në Armatë, pjesëmarrja jonë me vite në misionet e Aleancës, veçanërisht misioni ISAF dhe në mënyrë të njëpasnjëshme misioni “Mbështetja vendimtare” në Afganistan, tregojnë se Republika e Maqedonisë dhe Armata e Republikës së Maqedonisë janë të partner me dinjitet, por edhe partner tërësisht ndër-operatibil. Ne jemi të gatshëm të jemi anëtarë me të drejta të barabarta në NATO që nga viti 2008, fakt që është i njohur mirë për partnerët tanë në Aleancë”, ka theksuar Jolevski.

Siç bëjnë të ditur nga Ministria e Mbrojtjes përmes një njoftimi për media, Jolevski ka theksuar se procesi i reformave në Armatë janë në funksion të përforcimit të mëtejshëm të Armatës, si garanci për integritetin territorial dhe sovranitetit të Maqedonisë dhe në mënyrë paralele të përforcohet ndër-peratibiliteti i ARM-së me armatat e vendeve anëtare në NATO.

Kryesuesi me delegacionin, Sver Mirli është falënderua për takimin, për diskutimin dhe ka shfaqur shpresë se Republika e Maqedonisë së shpejti do të jetë pjesë e NATO-aleancës./Telegrafi/