Javën e ardhshme fjalët përfundimtare për ngjarjet e 27 prillit

Pasi të akuzuari Villiam Mihajllovski, Nikolla Mitrevski-Kolo dhe Mitre Mitropovski tërhoqën listat e dëshmive dhe deklaruan se nuk do të japin deklaratë para gjykatës në mbrojtje të tyre, ka ngelur vetëm mbrojtja e të akuzuarit Aleksandar Vasilevski-Ninja, me të cilin përfundon procedura e dëshmive me të cilën të akuzuarit mbrojtën veten e tyre para këshillit gjyqësor.

Pas kësaj faze, pasojnë fjalët përfundimtare e të akuzuarve në seancë që do të zhvillohet, me gjasë javën e ardhshme.

Dëshmia e Aleksandar Vasilevskit – Ninja është planifikuar për të enjten, ndërsa edhe vëllai i tij Bllagoja Vasilevski duhet të dëshmojë, i cili ishte pjesë e sigurisë së Nikolla Gruevskit.

Përveç këtyre të akuzuarve, dëshmitë materiale i tërhoqën edhe të akuzuarit Johan Tarçullovski, Goranço Angellov, Vllado Jovanovski, Igor Durllovski dhe disa të tjerë.

Për ngjarjet e 27 prillit 33 persona janë të akuzuar, ku 31 prej tyre akuzohen për sulm terrorist të rendit kushtetues dhe sigurisë në vend. /Telegrafi/