A janë të kombinueshëm dy Bricjap në një lidhje?

Bricjapi, dhia ambicioze e detit të zodiakut, ka një reputacion të të qenit një punëtor.

Ata priren ta vënë karrierën mbi çdo gjë tjetër, përfshirë partnerin e tyre. Nëse janë në mes të një projekti të madh, ka mundësi që të mos dëgjoni prej tyre derisa të përfundojë.

Ndërsa fitimi i parave dhe arritja e qëllimeve të tyre janë të rëndësishme, ata duan të kenë një marrëdhënie që zgjat. Kur dy Bricjap janë në një lidhje së bashku, do të ketë disa sfida. Por sipas astrologëve, ky është një çift që mund të funksionojë.

Një marrëdhënie Bricjap -Bricjap është një marrëdhënie që karakterizohet nga ndershmëria dhe serioziteti. “Të dy i japin përparësi karrierës së tyre dhe dinë të jenë mbështetës për qëllimet e tjetrit”, thotë astrologia Virginia Castiglione për Bustle. “Ata formojnë një partneritet solid të ndërtuar mbi transparencën dhe projektet e përbashkëta. Ata janë praktikë dhe ndoshta do të impresionoheshin nga etika e punës dhe përkushtimi i njëri-tjetrit në jetën e tyre profesionale”.

Dy Bricjap mund ta gjejnë njëri-tjetrin përmes punës ose një hobi që të dyve u pëlqen. Nëse ata janë në të njëjtën industri, ka një shans të mirë që ata mund të njohin njëri-tjetrin përpara se të takohen ndonjëherë. “Ata ka të ngjarë ta njohin njëri-tjetrin nga etika e tyre e punës, personaliteti i mire përcaktuar dhe autoriteti natyror”, thotë astrologia Jill Loftis nga Nuit Astrology, për Bustle. “Për sa kohë që admirimi – jo zilia – është shkëndija, ky mund të jetë një çift i vërtetë fuqie”.

Meqenëse Bricjapët priren t’i mbajnë oraret e tyre të mbushura, ata nuk kanë shumë kohë për të luajtur lojëra. Nëse ata janë të interesuar për dikë, do ta bëjnë të ditur. /Telegrafi/