James Rodriguez hero në Katar, ia shpëton jetën mbrojtësit kundërshtar që pësoi arrest kardiak

James Rodriguez ka qenë njeriu kryesor në ndeshjen Al Rayyan – Al Wakra që përfundoi 3-0 në të mirë të vendasve.

Jo vetëm për paraqitjen fantastike në fushë me një asistim e dy gola, por James bëri edhe një gjest prej heroit, duke shpëtuar jetën e mbrojtësit kundërshtar.

Ishte minuta e 38-të e ndeshjes, kur mbrojtësi i mysafirëve Ousmane Coulibaly pësoi një arrest kardiak dhe u rrëzua në portën e tij.

Më i shpejti në atë moment ishte James Rodriguez që shkoi për t’i ndalur në ndihmë atij para se mjekët të arrinin.

Reprezentuesi kolumbian e rregulloi kokën e 32-vjeçarit në mënyrë që ai të marrë frymë më shlirshëm para se ekipi mjekësor të mbërrinte për të vazhduar trajtimin për të.

Bein Sports ka raportuar se James ka bërë heroin në këtë sfidë, pasi mos të ishte reagimi i shpejtë i tij gjërat për Coulibalyn do të komplikoheshin.

JAMES RODRÍGUEZ 🇨🇴 IS A HERO!

The Colombian player was vital in saving the life of Ousmane Coulbaly, who suffered a cardiac arrest during a game! 🚨

James helped by adjusting his rival’s head so that he could breathe properly, according to doctors. 👏👏 pic.twitter.com/qoI0cfwWeC

— beIN SPORTS USA (@beINSPORTSUSA) January 12, 2022

“Gjatë ndeshjes në QNB Stars League ndërmjet Al Rayyan dhe Al Wakrah, Ousmane Coulibaly pësoi një atak në zemër, që kërkoi ndërhyrjen e stafit mjekësor dhe ambulancës të pranishme në stadium”.

“Mund të konfirmojmë se futbollisti aktualisht po merr kujdesin e nevojshëm mjekësorë”, ka konfirmuar liga e Katarit nëpërmjet një shkrese zyrtare.

🎥 James Rodriguez@AlrayyanSC [3]-0 @alwakrah_sc
Week 13 | #QNBstarsLeague 🏆 pic.twitter.com/vK48spmx1j

— Qatar Stars League (@QSL_EN) January 10, 2022

Ndeshja e zhvilluar të shtunën ishte ndërprerë në atë moment për të vazhduar të hënën nga minuta e 42-të e ndeshjes dhe Al Rayyan fitoi me rezultat 3-0 falë dy golave të James Rodriguez në pjesën e dytë. /Telegrafi/

Qatar Stars League @QSL_EN as well as the players of @alwakrah_sc and @AlrayyanSC honour the medical staff of both teams, @QRCS and @MOBHQatar Hamad Hospital Emergency Dep. for their efforts to rescue Al Wakrah’s Ousmane Coulibaly when he was in a health crisis during the match👏🏼 pic.twitter.com/qNDYLrmMEh

— Qatar Stars League (@QSL_EN) January 10, 2022