Izraelitët publikojnë pamjet kur tanket e tyre futen në Rripin e Gazës, IDF-ja thotë se pas operacionit janë rikthyer në territorin e Izraelit

Forcat Mbrojtëse të Izraelit që ndryshe njihen si IDF, kanë publikuar pamjet e hyrjes së mbrëmshme me tanke në Rripin e Gazës.

Videoja është publikuar në profilin zyrtar të IDF-së në platformën X (dikur Twitter), transmeton Telegrafi.

Ishin dronët ata që tërë kohën filmuan veprimet e tankeve si dhe sulmet nga ajri që shërbenin si mbështetje.

Në të shfaqen makineri të rënda për ndërtim, që shembën muret që ndajnë Izraelin nga Rripi i Gazës dhe ku më pas kalojnë tanket në këtë territor.

Lexo po ashtu Biden thotë se nuk ka kthim në “status quo-në” që ishte midis izraelitëve dhe palestinezëve përpara sulmit të Hamasit

Në kuadër të fazës së ardhshme luftarake, IDF-ja ka kryer operacionin në pjesën veriore të Rripit të Gazës.

Tanket dhe këmbësoria e IDF-së kanë goditur një sërë objektesh që shfrytëzoheshin nga militantët e Hamasit, si dhe është goditur infrastruktura dhe pozicionet nga ku lansoheshin raketat anti-tank.

Gjithashtu nga IDF-ja është bërë e ditur se “ushtarët izraelitë me të kryer këtë operacion, janë tërhequr dhe janë rikthyer në territorin e Izraelit”.

Madje edhe në fund të videos, shihen tanket duke u rikthyer në territorin e Izraelit. /Telegrafi/

In preparation for the next stages of combat, the IDF operated in northern Gaza.

IDF tanks & infantry struck numerous terrorist cells, infrastructure and anti-tank missile launch posts.

The soldiers have since exited the area and returned to Israeli territory. pic.twitter.com/oMdSDR84rU

— Israel Defense Forces (@IDF) October 26, 2023