Italia dhe Portugalia do të përballen me një ndeshje të vështirë në play-off të Kupës së Botës: Ato mund të takohen mes vete

Italia e Gianluigi Donnarummas dhe Portugalia e Cristiano Ronaldos, janë dy nga emrat më të mëdhenj që duhet të luajnë në play-off për të gjetur rrugën e tyre përmes që të kualifikohen për Kupën e Botës 2022 në Katar.

Spanja, Zvicra, Franca, Belgjika, Danimarka, Kroacia, Anglia, Serbia dhe Gjermania kanë konfirmuar tashmë pjesëmarrjen e tyre në turne, me grupet kualifikuese D, E dhe G që ende nuk kanë përfunduar.

Kjo do të thotë se Portugalia, Suedia, Italia, Uellsi, Republika Çeke, Skocia, Austria, Rusia, Polonia dhe Maqedonia e Veriut kanë konfirmuar tashmë vendet e tyre përkatëse në play-off, dhe atyre mund t’u bashkohet Finlanda ose Ukraina nga Grupi D dhe Holanda, Turqia ose Norvegjia nga Grupi G.

Skuadrat do të ndahen në dy vazo për shortin e 26 nëntorit, me gjashtë skuadrat e rangut më të lartë nga grupet që do të futen në vazon e parë si skuadrat e para.

Italia dhe Portugalia do të jenë ndër skuadrat e renditura, që do të thotë se nuk mund të takohen në fazën gjysmëfinale të play-offit.

Play-offet do të ndahen në tre shtigje – A, B dhe C.

Çdo rrugë do të shkojë nga gjysmëfinalet dhe një finale, që do të thotë se tre ekipe nga 12 do të avancojnë – një nga çdo rrugë.

Ukraina dhe Rusia nuk mund të luajnë njëra-tjetrën për shkaqe politike mes tyre. /Telegrafi/