Ishte në lidhje dashurie tash e një vit me një të mitur – ferizajasi ndalohet për “sulm seksual”

Një person është ndaluar në Ferizaj nën dyshimin se ka kryer veprën penale “sulm seksual”, ndaj të miturës.

Sipas Prokurorisë, i njëjti dyshohet se ishte në lidhje dashurie me viktimën tash e një vit.

“Prokuroria Themelore në Ferizaj, me vendim të Prokurorit të Shtetit, ka ndaluar një (1) person të dyshuar, në kohëzgjatje prej 48-orësh për shkak të dyshimit të veprës penale “Sulmi seksual” sipas KPRK-së.

Ekziston dyshimi se i njëjti ishte në lidhje dashurie me viktimën e moshës se mitur tani e një vit, andaj, me këto veprime, dyshohet se ka kryer veprën penale “Sulmi seksual” nga neni 229 të Kodit Penal të Republikës së Kosovës”, ka njoftuar Prokuroria.

Lexo po ashtu Arrestohet një person në Shtime për sulm seksual

Prokuroria Themelore në Ferizaj, ndaj të dyshuarit Xh.I ka njoftuar se brenda afatit ligjor do të parashtrojë kërkesë për caktimin e masës së paraburgimit në Gjykatën kompetente.

Telegrafi mëson se i dyshuari është 22 vjeçar, ndërkaq viktima e moshës 15 vjeçare.

Lidhur me këtë rast ka raportuar edhe polica përmes raportit 24 orësh. Policia ka njoftuar se rasti ka ndodhur në Shtime.

Rasti ka ndodhur të mërkurën në ora 14:15.

“Është arrestuar i dyshuari mashkull kosovar nën dyshimin se i njëjti ka kryer veprën e cekur ndaj viktimës femër kosovare”, thuhet në raport. /Telegrafi/